Aşgabatdaky konsertde filmlerden alnan aýdymlar ýaňlanar
10.08.2023 | 20:24 |
Aşgabatdaky konsert möwsümi 20-nji awgustda ýaş ýerine ýetirijileriň çykyşy bilen açylar. Olar paýtagtyň myhmanlaryny we ýaşaýjylaryny meşhur sowet, türkmen, rus we daşary ýurt filmleriniň aýdymlary ýerine ýetiriljek “Film, film, film!” atly aýdym-saz agşamyna çagyrýarlar.
Aşgabat aýdym-saz agşamynda ýaş artistler - Aýlar Baýramowa, Anna Hommadowa, Marta Giris, Grigoriý Ambarsumow dagylar "Karnawal gijesi", "Göwher el", "Dogan-2", "Titanik", "Tiffaniňkide ertirlik", "Aýgytly ädim" ýaly kinolarda ýaňlanan aýdymlary ýerine ýetirerler. Konsertde meşhur aýdymçy Ýelena Oreşkina hem çykyş eder.
Aýdymçylaryň çykyşlary filmlerden alnan wideo şekiller bilen üsti ýetiriler - tomaşaçylar söýgüli kinolaryndan parçalary görüp we tanyş aýdymlary diňläp bilerler.
Konsert 20-nji awgustda paýtagtyň "Türkmenistan" kinokonsert zalynda bolar. Başlaýan wagty: 16:00.
Bilet satyn almak üçin jaň edip bilersiňiz: +993 62 93 74 41; +993 61 72 78 63.
ORIENT news
Foto: Pixabay
Şeýle hem okaň:
22.08.2025
|13:45
22.08.2025
|12:05
