Biz ýakynlaşmagy ugur edinýäris

Türkmenistandaky “Jümle Travel” syýahatçylyk kompaniýasy Fransiýanyň “Saberatours” kompaniýasy we Gazagystanyň “Тумар-Транс” kompaniýasy bilen hyzmatdaşlyk etmek hakynda ylalaşyklary baglaşdy. Taraplar syýahatçylyk babatda täze taslamalary işläp taýýarlamagy we syýahatçylyk hyzmatynyň hilini ýokarlandyrmak babatda ylalaşdylar.

Has dogrusy, taraplar maglumat alyşmak, taslamalary, synlary we beýleki iş resminamalaryny işläp taýýarlamak, syýahatçylyk babatda maslahatlary we okuw seminarlaryny geçirmekde birek-birege ýardam ederler. Şeýle hem, kompaniýalar degişli döwletleriniň syýahatçylyk mümkinçilikleri, taryhy, medeni ýerleri we täsin künjekleri barada gürrrüň berýän maglumatlary özleriniň jemgyýetçilik torlarynda paýlaşarlar.

Syýahatçylyk babatda degişli resminamalary ýerine ýetrimegiň çäklerinde, ol öz gezeginde Fransiýanyň, Gazagystanyň we beýleki ýurtlaryň jahankeşdelerini ýurdumyza çekmäge goşandyny goşar.

ORIENT news

Foto: Jümle Travel