BelTA: Belorusyň sport we syýahatçylyk ministri daşary ýurt habarçylaryna GDA ýurtlarynyň II Oýunlaryna taýýarlygyň gidişi barada gürrüň berdi

01.07.2023 | 09:13 |

Daşary ýurt habarçylary bilen Minskidäki «Динамо» stadionyna baryp görmegiň dowamynda Belorusyň sport we syýahatçylyk ministri Sergeý Kowalçuk GDA ýurtlarynyň II Oýunlaryna taýýarlyk barada gürrüň berdi- diýip, BelTA habar berýär.

Respublikanyň sport edarasynyň baştutanynyň habar bermegine görä, häzirki wagtda tamamlaýjy taýýarlyklar alnyp barylýar, hususanda, desgalar tertibe getirilýär, söwda nyşanlary boýunça işler alnyp barylýar. 4-nji iýuldan başlap, Oýunlaryň başlanmagyna göni bir aý wagt galanda, guramaçylar taýýarlygyň işjeň tapgyryna girerler.

Agza-ýurtlardan wekiliýetler sport desgalaryny synag edip görmek üçin eýýäm Belorusa gelip başladylar. Sergeý Kowalçugyň aýtmagyna görä, GDA ýurtlarynyň II Oýunlaryna gatnaşmak üçin 18 ýurtdan 2 müňden gowrak türgen resmi akkreditasiýany geçdi.

«Agza-ýurtlar has köp bolar diýip pikir edýärin. Ýaryşlaryň geçiriliş görnüşi açykdyr» — diýip, ol beýan etdi.

Hakykatdanda, eger birinji Oýunlar diňe bir Kazan şäherinde geçen bolsa, GDA ýurtlarynyň II Oýunlary 11 sany belorus şäherlerinde — Minskide, Brestde, Grodnoda, Witebskide, Orşda, Mogilewde, Gomelde, Žlobinde, Soligorskide, Borisowada we Molodeçnoda geçer.

GDA ýurtlarynyň II Oýunlary Belorusda 2023-nji ýylyň 4-nji awgustyndan 14-nji awgusty aralygynda geçer.

ORIENT habarlar