«Hytaý-Merkezi Aziýa» sammiti 18-19-njy maýda Sianda geçer

08.05.2023 | 14:03 |

«Hytaý-Merkezi Aziýa» sammiti 18-19-njy maýda Sianda, Şensi welaýatynyň dolandyryş merkezindegeçer – diýip, HHR-nyň DIM-niň resmi wekili Hua Çunin gürrüň berdi. Bu barada China daily habar berýär.

Forumy Hytaý Halk Respublikasynyň başlygy Si Szinpin geçirer. Sammite Türkmenistanyň Presidenti Serdar Berdimuhamedowyň, Gazagystanyň baştutany Kasym Žomart-Tokaýewiň, Gyrgyzystanyň lideri Sadyr Japarowyň, Täjigistanyň prezidenti Emomali Rahmonyň we Özbegistanyň baştutany Şawkat Mirziýoýewiň gatnaşmagyna garaşylýar.

Sammitiň öňüsyrasynda «Türkmenistan-Hytaý» gaz geçirijisiniň täze şahasynyň gurluşygynyň ilkinji jikme-jiklikleri belli boldy, ol geçiriji şeýle hem Özbegistanyň, Täjigistanyň we Gyrgyzystanyň çäklerinden geçýär. Taslama HHR bilen MA ýurtlarynyň hyzmatdaşlygynyň mundan beýläk ösmeginde möhüm ähmiýete eýedir.

Öňde boljak sammit Hytaý bilen Merkezi Aziýa ýurtlarynyň arasyndaky syýasy özara ynamy we strategiki hyzmatdaşlygy pugtalandyrylmagyna niýetlenendir, olar bu ýyl diplomatik gatnaşyklaryň ýola goýulmagynyň 30 ýyllygyny belleýärler.

ORIENT habarlar