Si Szinpin HHR-nyň raýatlaryny Towşan ýyly bilen wideoşekil arkaly gutlady

21.01.2023 | 16:00 |

HHR-nyň başlygy Si Szinpin Hytaýyň raýatlaryny Ýetip gelýän Bahar baýramy bilen gutlamak üçin şahsy onlaýn aragatnaşykda söhbetdeşlik geçirdi. Bu ýyl Hytaýda Täze ýyl 22-nji ýanwarda başlanýar.

Wideoşekilli aragatnaşygyň üsti bilen HHR-nyň baştutany lukmançylyk işgärleri, garrylar öýündäki ýaşuly adamlar, uzak sebitlerdäki magdanly känlerdäki işçiler bilen, demir ýol menzillerindäki işgärler bilen, şeýle hem satyjylar we alyjylar bilen, oba ýerleriniň ýaşaýjylary bilen söhbetdeş boldy.

Ol Hytaýyň halkyna Towşan ýylynda berk jan saglyk we bagtly durmuş arzuw etdi, ýurduň mundan beýläk-de gülläp ösjekdigine ynam bildirdi.

«Geçen ýyl ýönekeý bolmady. Biz her hili kynçylyklary ýeňip geçmegi başardyk we ähli ugurlarda täze üstünlikleri gazandyk» – diýip, HHR-nyň Başlygy belledi we geljek ýylda täze ösüşlere ýetmek üçin bilelikdäki tagallalara çagyrdy.

ORIENT habarlar