Biz ýakynlaşmagy ugur edinýäris

Hytaý tarapyndan daşary ýurtlara syýahatçylygyň gaýtadan dikeldilmegi bilen, dünýä jemgyýetçiligi Hytaýdan gelýän jahankeşdeleri işjeň garşy alýar – diýip, China daily habar berdi.

Ctrip guramasynyň maglumatlaryna görä, 2023-nji ýylyň 5-nji ýanwaryndaky ýagdaýa görä, ýedi günüň dowamynda daşary ýurda gitmek üçin sargytlaryň sany ep-esli artdy, sargydyň ortaça bahasy geçen ýylyň degişli döwri bilen deňeşdireniňde 32% artdy.

Bilermenler koronawirus bilen bagly çäklendirmeler gowşadylandan soň Hytaý tarapyndan daşary ýurtlara amala aşyrylýan syýahatyň gaýtadan dikeldilmegi dünýä syýahatçylygynyň ösmegine we dünýä ykdysadyýetiniň dikeldilmegine ýardam eder diýip çaklaýarlar. Sebäbi pandemiýadan öň Hytaýyň daşary ýurtlara amala aşyrylýan syýahatçylygyň ösüşine goşýan goşandy saldamlydy. Şunda 2019-njy ýylda Hytaý ortaça her aýda 12 million uçarda sapara gidýän ýolagçylara uçuş hyzmatlaryny edýärdi.

Kambojanyň premýer-ministri Samdek Teço Hun Sen ýurduň hytaýly syýahatçylaryň gaýdyp gelmegine örän şatdygyny beýan etdi we olaryň bu ýerde bolmagy Kambojanyň syýahatçylygy we ykdysadyýeti üçin judawajyp – diýip, sözüniň üstüne goşdy.

Hytaýda daşary ýurtlara amala aşyrylýansyýahatçylygyň gaýtadan dikeldilmegine Hytaýyň esasy söwda hyzmatdaşlarynyň biri bolan Saud Arabystanda hem oňyn jogap berdiler. Saud Arabystanyň syýahatçylyk ministri Ahmed Al-Hatib has köp hytaýly syýahatçylaryň Saud Arabystanyň mirasy, medeniýeti bilen tanyş boljakdygyna umyt bildirdi.

Bütindünýä bankynyň çaklamalaryna görä, şu ýylda Hytaýyň ykdysadyýeti 4,3%, 2024-nji ýylda bolsa 5% öser. Bu ýurduň COVID-19-a jogap bermegiň täze tapgyryna girenden soň edilen iň ilkinji uly çaklamadyr.

ORIENT habarlar

Foto: China daily