Biz ýakynlaşmagy ugur edinýäris

6-njy ýanwarda Türkmenistanyň DIM-de Daşary işler ministri Raşid Meredow bilen Belarus Respublikasynyň Türkmenistanda täze bellenilen Ilçisi Stanislaw Çepurnoýyň arasynda duşuşyk geçirildi. Duşuşykda ilçi özüniň ynanç hatylarynyň nusgalaryny gowşurdy.

Ministr ilçini wezipä bellenilmegi bilen gutlady we türkmen tarapynyň onuň diplomatik işinde zerur bolan goldawy we ýardamlary bermäge taýýardygyny beýan etdi.

Diplomatlar syýasy ulgamda, ykdysady pudakda, ynsanperwer ugurda ikitaraplaýyn gatnaşyklary ösdürmegiň geljegini ara alyp maslahatlaşdylar hem-de Türkmenistan bilen Belarus Respublikasynyň arasyndaky gatnaşyklaryň deňhukuklylyk we özara bähbitli hyzmatdaşlyk ýörelgeleri esasynda ösdürilýändigi bellenildi.

Iki ýurduň sebitleýin we halkara düzümleriň çäklerindäki gatnaşyklaryna aýratyn üns berildi. Taraplar BMG-niň çäginde başlangyçlary özara goldamagy dowam etmäge taýýardyklaryny mälim etdiler.

ORIENT

Foto: mfa.gov.tm