Air India uçarda Wi-Fi hyzmatyny teklip eden ilkinji hindi awiakompaniýasy boldy

03.01.2025 | 12:11 |

Hindistanyň Air India dünýäniň öňdebaryjy awiakompaniýasy 2025-nji ýylyň 1-nji ýanwaryndan başlap Airbus A350, Boeing 787-9 we Airbus A321 neo uçarlarynyň käbirleri tarapyndan amala aşyrylýan içerki we halkara gatnawlarynyň uçarlarynda mugt Wi-Fi simsiz ulgam hyzmatynyň girizilendigi barada habar berdi.

Bu dynç almaga ýa-da işewürlik maksady bilen ugraýan ýolagçylara uçuşyň dowamynda aragatnaşykda bolup, web-sahypalaryny görmäge, sosial ulgamlaryndan peýdalanmaga, dost-ýarlaryna we maşgalasyna tekst habarlaryny ugratmaga mümkinçilik berýär.

“Indi aragatnaşyk häzirki zaman syýahatlarynyň aýrylmaz bölegi bolup durýar. Käbirleri üçin bu hakykylyk görnüşinde alyş-çalyş etmäge amatly bolup durýar, beýlekiler üçin – uly öndürijilik hökmünde hyzmat edýär. Maksat nähili bolsa-da, biz myhmanlarymyzyň ulgama birikmek mümkinçiligine gowy baha berip, Air India uçarlarynda täze tejribeden pedalanyp biljekdigine ynanýarys” – diýip, Air India kompaniýasynyň müşderiler bilen iş salyşmak boýunça direktory Rajeş Dogra aýtdy.

Uçarda Wi-Fi hyzmaty iOS we Android operasion ulgamynda işleýän noutbuklar, planşetler we smartfonlar ýaly Wi-Fi üpjünçilikli enjamlar üçin mümkindir. Mundan başga-da, uçarda Wi-Fi hyzmatyna birbada birnäçe enjam birikdirilip bilner.

Air India öz düzümindäki beýleki uçarlarda hem bu hyzmatyny tapgyrlaýyn girizer.

ORIENT news