«Türkmenistanyň Ulag-logistika merkezi» AGPJ Hindistandan Özbegistana barýan ilkinji konteýner otlyny guraýar

01.08.2024 | 13:33 |

«Türkmenistanyň Ulag-logistika merkezi» AGPJ (TULM) konteýner ýük otlylarynyň gatnawyny yzygiderli ýola goýmak we otlynyň gatnaw ugrunyň wagtyny azaltmak boýunça iş alyp barýar.

Ýakyn Gündogardan ýük akymynyň ähmiýetini göz öňünde tutup, 2023-nji ýylyň 22-nji dekabrynda Stambul şäherinde «Türkmendemiryollary» agentligi bilen «O'zbekiston Temir Yo'llari» (Özbegistan Demir Ýollary) hojalyk jemgyýetiniň arasynda duşuşyk geçirildi. Duşuşykda taraplar konteýner otlylarynyň Türkmenistanyň üstünden Özbegistanyň çägine we yzyna geçmegini tizleşdirmegi, şeýle hem konteýnerleriň taraplaryň çäginden daşamak üçin ýörite nyrhlaryny girizmegi ara alyp maslahatlaşdylar.

Mundan başga-da, taraplar «Özbegistan-Türkmenistan ondan aňryk üçünji ýurda» geçelgesi boýunça ýük daşamalaryny guramak üçin her ýurtda jogapkär logistika kompaniýalaryny bellemek barada ylalaşdylar.

Şunuň bilen baglylykda, 20 (ýigrimi) TEU konteýnerinden (ýük - keramiki plitalardan) ybarat otlusynyň birinji topary, Bender-Abbas portundan Sarahs ugry boýunça aňyrky nokady bolan Çukursaý (Özbegistan) demir ýol menzilinde üstünlikli iberildi.

Şeýle hem, «üçünji» ýurtlara degişli bolan wagonlarynyň, GDA ýurtlarynyň wagonlaryna Sarahs demirýol menzilinde ýüklemegiň ýokary derejesini görkezendikleri bellenmäge mynasypdyr.

ORIENT news