Apple adaty ulanyjylara tehnikany abatlamak üçin niýetlenen programma elýeterliligi üpjün etdi

15.12.2023 | 04:22 |

Apple kompaniýasy enjamlary özbaşdak abatlamak üçin niýetlenen Self Service Repair programmalary giňeltdi.

Indi iPhone 15-iň ähli seriýalaryny we Apple M2В çipli Mac kompýuterlerini ulanyjylar enjamlaryny özbaşdak remont edip bilerler. Olar diňe Apple Store dükanlarynda we ýörite hyzmat merkezlerinde elýeter bolan Apple Diagnostics programma üpjünçiligini ulanyp bilerler.

Bu programma üpjünçiligi näsazlyklary ýüze çykarmak we aradan aýyrmak işini ýeňilleşdirer. Ol enjamyň aýry-aýry komponentlerini, şol sanda akkumulýatorlary, kameralary, dürli datçikleri barlamaga mümkinçilik berer. Häzirki wagtda Apple Diagnostics ABŞ-nyň çäklerinde elýetlidir, indiki ýyldan bolsa ol Ýewropadaky Apple enjamlaryny ulanyjylar üçin hem elýeterli bolar.

Şeýle hem Apple özbaşdak remontyň 24 Ýewropa ýurtlaryndaky, şol sanda Horwatiýadaky, Daniýadaky, Gresiýadaky, Niderlandlardaky, Portugaliýadaky we Şweýsariýadaky ulanyjylar üçin elýeter boljakdygyny habar berdi. Self Service Repair programmasy indi 33 ýurtda we 24 dilde Apple-iň 35 önüminde ulanylýar.

ORIENT news