Biz ýakynlaşmagy ugur edinýäris

Türkmenistanyň Ylymlar akademiýasynyň tehnologiýalar merkezi "Türkmen-Tranzit" hojalyk jemgyýeti bilen "Sanly lukmançylyk" atly innowasion ulgamy işläp taýýarladylar. Bu ulgam lukmana ýazylmak, kabul edilmek, keseli anyklamak we bejeriş işlerini geçirmek işlerini elektron usulda ýöretmäge we saglyk merkezinde her bir hassanyň elektron hasbaynyň açylmagyna, şonuň üsti bilen ähli resminama işleri sanly ulgam arkaly dolandyrmaga ýardam berýär.

"ORIENT-iň" habarçysyny mälim edilmegine görä, saglyk merkezleriniň işiniň sanlylaşdyrylmagy lukmaçylyk işine degişli resminama işleri eelktron usulda ýöretmäge we wagty tygşytlamaga ýardam eder. Işläp taýýarlanylan programma her bir saglyk edaranyň işgäriniň ulanmagy üçin amatly ýagdaýda döredilipdir. Mundan daşary, onuň interfeýsini we hyzmat ugruny iş ugruna laýyklykda sazlap bolýar. Onda maglumatlaryň howpsuzlygy ýokary derejede gurnalyp, her bir saglyk merkeziniň ýöriteleşen ugruna laýyklykda onuň işini sazlamaklyk üpjün edilipdir.

Bu programma giňişleýin ulanylanda, ol ilatyň saglyk ýagdaýy barada umumy kesgitleme bermäge we saglygy goraýyşyň üns bermeli ugurlaryny ýüze çykarmaga, munuň netijesinde bolsa, degişli çözgütleri kabul etmäge we strategiýalary işläp düzmäge ýardam edýär.

Bellenilişi ýaly, täze işläp taýýarlanylan programma saglyk merkezlerindiň işinde ulanmaga taýýardyr.

ORIENT news

Foto: TYA-nyň Tehnologiýalar merkezi