Biz ýakynlaşmagy ugur edinýäris

Aşgabatda kitaby hiç zat tölemezden 21 günlük okamak üçin alyp bolýar. Bu köne kitaphana kitaplary däl-de, eýsem meşhur awtorlaryň soňky çykan täze eserleri. Dünýä bestsellerleri, non-fikşn eserleri (çeper eser däl), gyzykly romanlar we başga-da köp dürli kitaplar. Bularyň ählisi Kitaphana21-de bar (salgysy we belgileri makalanyň soňunda).

24 ýaşly telekeçi, “Ak nesil” bilim merkeziniň esaslandyryjysy we onuň direktory Batyr Rejepow bu taslamany oýlap tapdy we durmuşa geçirdi.

“Bu pikir Jordan Pitersonyň kitabyny aljak bolanymda meniň kelläme geldi (psihologiýa boýunça bestsellerleriň awtory), ony men Aşgabatdaky kitap dükanlarynyň birinden tapdym. Satyn alan wagtym men ol dükandaky bahalaryň gaty gymmatdygyny gördüm. Bu adamlaryň şuňa meňzeş eserleri okamak mümkinçiligini çäklendirýär. Meniň özümem kitap okamagy halaýandygym üçin men kitaplary, edebiýaty beýleki söýüjilere üçin hem elýeterli etmek isledim.

Ilkibaşda Kitaphana21-de diňe biznese degişli edebiýatlary, psihologiýa we öz-özüňi ösdürmek boýunça kitaplary rus, türk we iňlis dillerinde tapyp bolýardy. Olaryň aglabasy Batyryň öz kitaplarydy. Olaryň bir bölegini ol Türkmenistanda edindi, beýleki bölegini - daşary ýurtda Şweýsariýada we Russiýada okanda getirdi.

Taslamanyň ösmegi bilen, kitaphanada beýleki žanrlarda hem kitaplar, şol sanda çeper edebiýat – fantastika, detektiw we ş.m. peýda bolup başlady. Esasan-da, olary özi okamaga wagtlaýynça kitap alanlar we haýsydyr bir peýdaly we gyzykly zady töweregindäkiler bilen paýlaşmak isleýänler meýletin beripdiler.

Kitaby almak üçin täze gatnaşyjynyň anketasyny doldurmak we kitaphana gelip alyp gitmek ýeterlikdir. Ýekeje çäklendirme - bir gezekde birden köp kitap alyp bolanok. Şeýle hem 20 manat tölege şäher içine eltip bermek hyzmaty bar.

Köplenç okyjylar Kitaphana21-den özüňi ösdürmek we psihologiýa boýunça kitaplary alýarlar. Taslamanyň esasy auditoriýasy – mekdep okuwçylary we talyplar, olar üçin bu tema has wajyp bolup durýar. 200-e golaý adam kitaphanadan kadaly peýdalanýar.

Adamlar bilen olaryň şahsy ösüşi we öz-özüni ösdürmegi üçin höweslenme boljak zady paýlaşmak mümkinçiligi taslamanyň awtoryny ruhlandyrýar. “Bir gezek meniň özüm kitaby biriniň öýüne eltip berdim, ol adam menden onuň öýüne ýokarky gata galmagy haýyş etdi – diýip, Batyr gürrüň berdi. - Kitaby beren mahalym men hereket etme mümkinçiligi çäkli adamy gördüm. Şu hili duşuşyklar taslamany ösdürmäge meni has-da höweslendirýär, her bir adamyň peýdaly edebiýata elýeterli bolmagyny we öz maksadyna ýetmegini isleýärin”.

Habarlaşmak üçin maglumat

Salgysy: Aşgabat ş., Oguzhan we Bitaraplyk şaýollarynyň çatrygy, (öňki Aýtakow - Podwoýskiý), «Belent» binasy, 3 gat. Google mapsnokatda.

Telefon: +993 63 89-39-56.

Instagram: @kitaphana.21

ORIENT

Foto: instagram.com / @kitaphana.21