Çikagoda ýaşaýan 104 ýaşly Doroti Hofner Demirgazyk Illinoýsda 4100 metr belentlikde paraşýutly tandem böküş etdi diýip, The Guardian ýazýar. Ol paraşýutly böken iň garry adam hökmünde şahadatnama almagy umyt edýär.
22 ýurtdan 30 töweregi žurnalist, şol sanda Türkmen telewideniýesiniň wekilleri Hytaýyň günorta-günbataryndaky Tibet awtonom sebitine bäş günlük saparyny tamamladylar. Saparyň dowamynda olar ýerli ýaşaýjylar we işgärler bilen söhbetdeşlik geçirdiler we sebitiň durnukly ösüşine we medeni dürlüligine şaýat boldular diýip, Sinhua agentligi ýazýar.
Erkin göreş boýunça türkmen türgeni Döwletmyrat Orazgylyjow Hytaýyň Hançžou şäherinde geçirilen XIX Aziýa oýunlarynda bürünç medala eýe boldy. Ildeşimiz bu medaly 86 kilogram agram derejesinde çykyş edip gazandy.
San-Hose (Kaliforniýa, ABŞ) şäherinde 7-8-nji oktýabr gijesi geçirilen “Bellator 300” ýaryşynyň çäginde türkmen söweşijisi Döwletjan Ýagşymyradow polşaly Maseý Ružanskini ýeňdi.
Boýy 330 metre ýetýän kristal görnüşli gökdirän binasy dag belentliginde, dag lyžaly gezelenç toplumynyň merkezinde gurlup, ol ýerden emeli kölüň ajaýyp görnüşi görner. Onda synlaýyş meýdançalary we restoranlar bolar.
Özbegistan London biržasynyň gaznasyndaky ornuny güýçlendirýär we GDA ýurtlarynyň arasynda milli walýutada 4,25 trillion sum we ýewroobligasiýada 660 million dollarlyk özygtyýarly “ýaşyl” obligasiýalary ýerleşdiren ilkinji ýurt boldy. Özbegistanyň ykdysadyýet we maliýe ministrliginiň metbugat gullugynyň berýän habaryna görä, degişlilikde 2026-2028-nji ýyllarda iki tranşyň (gymmatly kagyzlarynyň bir bölegi) öwezini dolmagy meýilleşdirilýär.
Halkara sergiler býurosynyň Baş sekretary Dimitri Kerkentzesiň Aşgabada saparynyň çäklerinde Söwda-senagat edarasynyň başlygy Mergen Gurdow bilen geçirilen duşuşykda geljekde Türkmenistanyň çäginde EXPO-nyň ýöriteleşdirilen sergisini guramak mümkinçilikleri ara alnyp maslahatlaşyldy
Ýapon kompaniýasy iş ýerinde rahat ymyzganmak üçin ýassyk oýlap tapdylar. Bu ýassyk stulda ýatylan wagty öňe ýykylmaz ýaly we elleriň sallnyp durmazlygy üçin ýüz we döş üçin amatly edilip taýýarlanypdyr.
Gümmez “Al Wasl” diýlip atlandyrylýar we Dubaýda konsertleri we çykyşlary geçirmek üçin meýilnamalaşdyryldy we guruldy. Arap dilinden terjime edilende bu “baglanyşyk” diýmegi aňladýar we bu ýerde düýbünden çuňňur täsir galdyrýan iň uly interaktiw yşk şüweleňi açyldy. Täsin gurluş Ginnesiň rekordlar kitabyna girizildi we çempionlyk kitabynyň resmi emini Alwalid Osmanyň belleýşi ýaly “gurluşyň binagärlik kämilliginiň deňi-taýy ýokdur”.
Gazylyp alynýan ýangyçlarda işlemeýän alternatiw energiýaly tygşytly ýyladyş we sowadyş tehnologiýalaryny gözlemek işleri güýçlendi. Çölde ýaşaýan hameleona öýkünip, hytaý alymlary öýler üçin energiýa tygşytlaýan örtük döretdiler.
Sankt-Peterburg döwlet uniwersitetinde (SPbSU) garamagyndaky NTI Kompetensiýa merkeziniň alymlary «МАС-Внештранс» kompaniýasynyň hünärmenleri bilen deňiz ýük daşamalaryny çaltlaşdyrmak üçin platforma döretdiler.
Türkmenistanyň wekiliýeti Merkezi Aziýada we Owganystanda serhetleri dolandyrmaga ýardam bermek Maksatnamasynyň ösümlikleriň karantini babatda hyzmatdaşlyk etmek hakyndaky Ylalaşygy täzelemek boýunça sebitleýin okuw maslahatyna gatnaşdy. Bu barada Maksatnamanyň resmi saýtynda habar berilýär.
Şenbe güni Kabulda 500 kW Türkmenistan-Owganystan elektrik geçiriji liniýasyny tamamlamak üçin galan işleri ýerine ýetirmek boýunça ýerli hususy kompaniýa bilen şertnama baglaşyldy.
Dünýäde iň akylly we iň ösen hasaplanýan “Ameca” roboty, sosial ulgamlarda ýaýradylan wideoda ýene bir gezek baş keşbi janlandyrdy. Häzirki wagtda “YouTube”-da 45 000 tomaşaçynyň gören bu klibinde android ýaly emeli intellekt (AI) kinorežissior bilen söhbetdeşlik geçirýär we köpleriň geň galdyryjy hasaplaýan soraglaryny berýär.
Türkmenistanda 2-nji oktýabrdan 6-njy oktýabr aralygynda Aziýanyň Ösüş Banky (AÖB) we Bütindünýä Söwda Guramasy (BSG) tarapyndan gurnalan söwda syýasaty meseleleri boýunça tehniki iş sessiýalary geçirildi. Sessiýalaryň maksady, Türkmenistanyň BSG-ä goşulmagy baradaky gepleşikler üçin esasy resminama bolan Daşary söwda tertibininiň Ähtnamasyny (MFTR) taýýarlamak.
