Saud Arabystanynda täze guruljak "kristal" gökdiräniň şekilleri görkezildi
Saud Arabystanyny 21-nji asyryň ýurduna öwürmegi maksat edinýän “Neom” atly çägi ösdürmek boýunça agentligi täze aýna gökdiräniň şekillerini görkezdi. Ol “Zaha Hadid Architects” britan binagärlik býurosy tarapyndan “Troýen” diýlip atlandyrylýan dag lyžaly gezelenç ýeri üçin taýýarlanypdyr.
Boýy 330 metre ýetýän kristal görnüşli gökdirän binasy dag belentliginde, dag lyžaly gezelenç toplumynyň merkezinde gurlup, ol ýerden emeli kölüň ajaýyp görnüşi görner. Onda synlaýyş meýdançalary we restoranlar bolar.
Lyžada ýylyň bütin dowamynda açyk asmanyň astynda gezelenç etmäge mümkinçilik berjek täze toplum Akab aýlagyndan 50 kilometr uzaklykda, 1500 – 2600 metr aralygyndaky dag belentliginde gurlar. Synlaýyş diňi we tutuş toplum 2029-njy ýylda geçiriljek Gyşky Aziýa oýunlaryna çenli taýýar ediler.
ORIENT news
