Türkmenistan AÖB-nyň goldawy bilen BSG-ä girmäge taýýarlanýar
Türkmenistanda 2-nji oktýabrdan 6-njy oktýabr aralygynda Aziýanyň Ösüş Banky (AÖB) we Bütindünýä Söwda Guramasy (BSG) tarapyndan gurnalan söwda syýasaty meseleleri boýunça tehniki iş sessiýalary geçirildi. Sessiýalaryň maksady, Türkmenistanyň BSG-ä goşulmagy baradaky gepleşikler üçin esasy resminama bolan Daşary söwda tertibininiň Ähtnamasyny (MFTR) taýýarlamak.
Sessiýa Maliýe we ykdysadyýet ministrliginiň ýolbaşçylygyndaky Türkmenistanyň dürli ministrlikleriniň we bölümleriniň 30-dan gowrak wekili gatnaşdy. Olar AÖB we BSG hünärmenleri bilen söwda syýasatynyň tehniki päsgelçilikleri, intellektual eýeçilik hukuklary we döwlet satyn almalary ýaly dürli taraplaryny ara alyp maslahatlaşdylar.
Maliýe ministrliginiň döwlet maliýe we ykdysady syýasatlar bölüminiň başlygy Galina Romanowa, AÖB-nyň Türkmenistanyň BSG-ä goşulmagy işine güýçli goldaw berýändigini belledi.
BSG-ä goşulmak boýunça bölüminiň müdiri Maýka Oşikawa hem öz gezeginde Türkmenistany ýurda gurama goşulmak boýunça iş topary bilen gepleşik geçirmäge mümkinçilik berjek MFTR-ni taýýarlamakda gazanylan üstünlikleri bilen gutlady.
AÖB-nyň Türkmenistandaky hemişelik wekilhanasynyň müdiri Artur Andrisýakom, Bankyň ýurduň BSG-e goşulmak ugrundaky tagallalaryna goldaw berjekdigini tassyklady.
Tehniki iş sessiýalary, AÖB we BSG tarapyndan 2020-nji ýyldan bäri alnyp barylýan Bütindünýä söwda guramasyna goşulmak üçin mümkinçilikleri artdyrmak boýunça işleriň bir bölegidir.
AÖB Türkmenistanyň esasy ösüş hyzmatdaşlaryndan biridir. Bu gurama 2000-nji ýyldan bäri Türkmenistan bilen aragatnaşyk saklaýar we ýurduň eksport bazarlaryny diwersifikasiýa etmekde we sebitara gatnaşyklaryny berkitmekde kömek edýär.
Türkmenistanyň möhüm energetika çeşmeleri we strategiki ýerleşişi bar, şonuň üçin AÖB öz işini sebitleýin hyzmatdaşlygy güýçlendirmek üçin niýetlenen taslamalary ulag we energetika pudaklaryna gönükdirdi.
ORIENT news
