Türkmen teležurnalistleri Transgimalaý forumyna gatnaşdylar we Tibetiň myhmany boldular
22 ýurtdan 30 töweregi žurnalist, şol sanda Türkmen telewideniýesiniň wekilleri Hytaýyň günorta-günbataryndaky Tibet awtonom sebitine bäş günlük saparyny tamamladylar. Saparyň dowamynda olar ýerli ýaşaýjylar we işgärler bilen söhbetdeşlik geçirdiler we sebitiň durnukly ösüşine we medeni dürlüligine şaýat boldular diýip, Sinhua agentligi ýazýar.
Sişenbe güni başlanan bu sapar žurnalistleri sebitiň paýtagty Lhasa we Ningçi şäherine dürli ýerlere alyp gitdi. Şeýle hem, Hytaýyň Daşary işler ministri Wan I-niň çykyş eden çarşenbe gününden anna gününe çenli geçirilen 3-nji Halkara Hyzmatdaşlyk Forumyna gatnaşdylar.
Wan I, Gimalaý sebitindäki döwletleri sebitiň durnukly ykdysady ösüşine, ulag we aragatnaşyk infrastrukturasyny bilelikde ösdürmäge we medeni alyş-çalyşlary giňeltmäge çagyrdy.
Forumyň mowzugy «Ynsan bilen tebigatyň arasyndaky sazlaşygy ösdürmek, hyzmatdaşlygyň we ösüşiň miwelerini bilelikde ulanmak» boldy.
Forumdan soň žurnalistler Ningçiden Lhasa ýokary tizlikli otla münüp, Tibet muzeýine, Potala köşgüne we Jokang ybadathanasyna baryp gördüler, ýerli tebigat bilen tanyşdylar we bu ýere diňe bir medeni ýadygärlikler, etnik eşikler, aw we ekerançylyk medeniýeti, adaty Tibet lukmançylygy, ýaşaýyş däpler, halk aýdymlary we tanslary, dil we edebiýat, senetçilik, sport çäreleri, festiwallar, dini ynançlar we binagärlik sungaty saklanman, eýsem olaryň uglerod bitaraplygyny gazanandygyna hem göz ýetirdiler.
ORIENT news
