Owganystan türkmen elektrik energiýasynyň akdyryljak elektrik geçiriji şahasyny tamamlamagy öz üstüne aldy
Şenbe güni Kabulda 500 kW Türkmenistan-Owganystan elektrik geçiriji liniýasyny tamamlamak üçin galan işleri ýerine ýetirmek boýunça ýerli hususy kompaniýa bilen şertnama baglaşyldy.
Owganystanyň energetika we suw serişdeleri ministriniň wezipesini wagtlaýyn ýerine ýetiriji Abdul Latif Mansur bu taslamanyň iki ýylda tamamlanjakdygyny we onuň durmuşa geçirilmeginiň Kabul we beýleki welaýatlaryň ýaşaýjylarynyň we senagatçylarynyň elektrik zerurlyklaryny çözjekdigini belledi diýip, TOLOnews.com ýazýar.
Taslama iki ýyllyk saklanmadan soň täzeden başlanar we potratçy kompaniýa 75 million dollar maýa goýmaly bolar, soňra bolsa, müşderi edarasy onuň öwezini dolar.
“Içerki kompaniýanyň maýa goýumlary netijesinde Daşt Alwandan Çowk Argandä çenli 128 kilometre çenli 500 kW liniýada uzalar. Daşt Alwandan Şabargan şäherine çenli başga bir kompaniýa bilen şertnama baglaşyldy "- diýip, Abdul Latif Mansur aýtdy.
Owganystanyň Energetika ministrligi bu taslamany paýtagt bilen birlikde merkezi, Gündogar we Günorta welaýatlary elektrik energiýasy bilen üpjün etmek üçin iň möhüm infrastruktura taslamalarynyň biri hasaplaýar.
ORIENT news
