Türkmenistanyň Daşary işler ministriniň orunbasary W.Hajiýewiň Hytaýyň halkara ösüş we hyzmatdaşlyk agentliginiň başlygynyň orunbasary Den Botsin bilen duşuşygy geçirildi. Onda köp ugurlar boýunça türkmen-hytaý hemmetaraplaýyn strategiki hyzmatdaşlygynyň okgunly ösüşi bellenip geçildi.
7-10-njy sentýabr aralygynda Hywada (Özbegistan) geçirilen halkara etnosport festiwalyna gatnaşan pälwanlarymyz guşakly göreş boýunça dört medal gazandylar.
Sankt-Peterburgly wekiliýetiň Türkmenistana resmi sapary wagtynda gubernator Aleksandr Beglow Aşgabatdaky «Halk hakydasy» ýadygärlikler toplumyna baryp gördi.
Milli eksponatly «ak öýi» görnüşindäki türkmen pawilýony, Rumyniýanyň Konstansa şäherinde şu günler geçirilýän halkara türk- tatar folklor festiwalynda gelim-gidimli ýerleriň biri boldy.
Bal ary gapyrjaklary Daşoguz welaýatynda ýerleşýän balçy Yslam Ýakubow häzirki wagtda täze önüm öndürmek üçin işleýär. Ýakyn wagtda ol sarp edijilere ary ýelimini, ary süýdüni we dürli görnüşli hoz balyny hödürlär diýip, Türkmenistanyň Senagatçylar we telekeçiler birleşmesiniň saýty habar berýär.
Duşenbe güni Türkmenistanyň Daşary işler ministriniň orunbasary Wepa Hajyýew Wýetnam Sosialistik Respublikasynyň Türkmenistanda täze bellenen ilçisi (rezidentsiýasy Moskwada) Dang Min Khoý bilen duşuşyk geçirdi we diplomatdan ynanç hatlarynyň nusgalaryny kabul etdi diýip, türkmen Daşary işler ministrliginiň metbugat gullugy habar berýär.
Türkmenistanyň Halk Maslahatynyň Başlygy Gurbanguly Berdimuhamedow duşenbe güni Sankt-Peterburgyň gubernatory Aleksandr Beglow bilen duşuşdy.
Sankt-Peterburgyň gubernatory Aleksandr Beglowyň ýolbaşçylygyndaky wekiliýet Türkmenistana saparynyň çäklerinde Prezident Serdar Berdimuhamedow bilen duşuşdy. Gepleşikleriň barşynda hyzmatdaşlygyň netijelerine we geljegi uly taslamalara garaldy diýip, spbdnevnik.ru neşiri habar berýär.
Duşenbe güni, 11-nji sentýabrda Aşgabatdaky «Arçabil» myhmanhanasynda 9-njy «Hazar deňzi – durnukly ösüş we dolandyryş» okuw kursy açyldy. Hazarýaka ýurtlarynyň hünär edaralarynyň işgärleri üçin on günlük seminar Türkmenistanyň Daşary Işler Ministrligi we Hazar deňzi instituty tarapyndan Halkara Umman instituty bilen hyzmatdaşlykda guraldy.
Aşgabatdaky Fransuz instituty, okuw merkeziniň 2023-nji ýylyň aprel aýyndaky DELF / DALF fransuz dili synaglary üçin Fransiýadan diplomlary alandygyny habar berdi.
Ýapon suratkeşi Miçio Kominäniň çeken “Türkmenistan” atly eseri Tokio şäherinde geçirilen 55-nji Halkara “Sin-Inten” sergisine gelenlerde uly gyzyklanma döretdi. Bu barada Türkmenistanyň Ýaponiýadaky ilçihanasy habar berýär.
Merkezi Aziýa ýurtlarynyň wekiliýetleriniň düzüminde türkmen ýaşlary Hytaýyň merkezi Žunçan sebitindäki Rami muzeýine baryp gördüler. Rami - ýörite ösümlikden müňýyllykaryň dowamynda hytaý ýörelgeleri esasynda mata tikiliş usulydyr.
Aşgabat şäherindäki Aman Kekilow adyndaky mugallymçylyk orta hünär okuw mekdebinde rus dilini başlangyç tapgyrda çuňlaşdyryp okatmak üçin çagalar baglary üçin ýokary derejeli mugallym-terbiýeleýjileri taýýarlamakda täze usullar öwrenilýär.
1-2-nji dekabrda geçiriljek Howa boýunça Ählumumy sammitiň (COP28) çäklerinde bir wagtda Howa boýunça işewürleriň we haýyr-sahawatçylaryň forumy geçiriler.
Oba milli maksatnamasynyň çäklerinde ýurdumyzyň gündogar sebiti bolan Lebap welaýatynda durmuş maksatly desgalaryň birnäçesi gurlup ulanmaga berildi. Has takygy, welaýat boýunça 10-dan gowrak hassahana, 40 saglyk öýi, 17 sany medeniýet öýi, 30 sport mekdebi we 15 sany hem sport desgasy guruldy.
