Seulda Aşgabatda geçiriljek “Merkezi Aziýa – Koreýa Respublikasy” forumynyň gün tertibini maslahatlaşdylar
11-nji oktýabrda Türkmenistanyň Koreýa Respublikasyndaky ilçisi B.Durdyýew Seulda «Merkezi Aziýa-Koreýa Respublikasy» Hyzmatdaşlyk forumynyň kätipliginiň Ýerine ýetiriji komitetiniň 14-nji mejlisine gatnaşdy.
Mejlisiň dowamynda şu ýylyň 1-nji noýabrynda Aşgabatda geçiriljek «Merkezi Aziýa-Koreýa Respublikasy» Hyzmatdaşlyk forumynyň 16-njy mejlisiniň hem-de onuň çäklerinde boljak çäreleriň guramaçylyk, şeýle hem Forumyň gün tertibinden gelip çykýan meseleler ara alnyp maslahatlaşyldy diýip, Daşary işler ministrligi habar berýär.
15-nji «Merkezi Aziýa-Koreýa Respublikasy» hyzmatdaşlyk forumy geçen ýylyň 25-nji oktýabrynda Günorta Koreýanyň Pusan şäherinde 6 ýurduň daşary işler ministrleriniň gatnaşmaklarynda geçirildi. Mundan ozal, Söwda, ykdysady, ylmy we tehnologiýa hyzmatdaşlygy boýunça Hökümetara toparynyň nobatdaky mejlisiniň Aşgabatda geçiriljekdigi habar berlipdi.
ORIENT news
