Türkmenistanly gimnastikaçylar Özbegistandaky okuw-türgenleşik ýygnanyşygyna gitdiler
Türkmenistanly gimnastikaçylar Özbegistanda guralýan okuw-türgenleşik ýygnanyşygyna gatnaşmak üçin ýola düşdüler. Bu türgenleşik okuwlary 30-njy oktýabra çenli dowam edip, ol türkmen türgenlerini öňde boljak iri ýaryşlara taýýarlamaga gönükdirilendir.
Ýygnanyşykda gimnastikaçy türgenler türkmenistanly we özbegistanly tälimçilerden nazary we tejribe bilimlerini ele alarlar. Olar şeýle hem, daşary ýurtlaryň gimnastikaçylary bilen tanyşmaga we tejribe alyşmaga netijede bolsa, dostluk gatnaşyklaryny berkitmäge mümkinçilik aldylar.
Türkmen gimnastikaçylary şeekillendiriş gimnastikasynda ussatlygyň ýokary derejesini görkezýärler. Şu ýylyň awgust aýynda olar Daşkent şäherinde geçirilen “EAST CUP & OLYMPIC STARS” halkara ýaryşyna gatnaşyp, jemi 20 medal gazandylar. Şolaryň 12-si altyn, 7-si kümüş we 1-i hem bürünç medallardyr.
ORIENT news
