Hazar deňziniň düýbünden köpterabitli maglumatlary geçiriş ulgamy gurlar
Azerbaýjanyň Şuşa şäherinde geçirilen Ykdysady Hyzmatdaşlyk Guramasynyň Daşary işler ministrleriniň geňeşiniň 27-nji mejlisinde “Sanly Ýüpek ýoly” taslamasy tanyşdyryldy. “AzerTelecom” kompaniýasynyň ýolbaşçylarynyň hem gatnaşan çäresinde strategik ähmiýetli “Sanly Ýüpek ýoly” taslamasynyň esasy düzümi bilen tanyşdyryldy.
Bu sanly düzüm Azerbaýjanyň öz içinde we Hazar deňziniň düýbünden gurlup, Merkezi Aziýa döwletleri bilen birikdiriler. Ol Ýewropanyň we Aziýanyň arasynda täze sanly telekommunikasiýa aragatnaşyk geçelgesini kemala getirer. Onuň netijesinde bolsa, ýurtlaryň arasynda köpterabitli maglumatlary alyşmaga we sanlylaşdyrmagy işjeňleşdirmäge mümkinçilik dörär.
“AzerTelecom” we “Türkmentelekom” Türkmenistan – Azerbaýjan ugry boýunça Hazar deňziniň düýbünden optiki süýümli aragatnaşyk ulgamyny gurmak boýunça taslamanyň üstünde işleýärler. Bu taslamany 2024-nji ýylyň ahyryna tamamlamak göz öňünde tutulýar.
ORIENT news
