Türkmenistanyň Ylymlar akademiýasynyň Tehnologiýa merkezi Halkara Tehnoparklar we innowasiýa ösüş zolaklarynyň birleşmesiniň (IASP) agzasy boldy, bu barada hökümetiň ylym meselelerine jogap berýän wise-premýeri Nurmuhammet Amannepesow Ministrler Kabinetiniň anna güni geçirilen mejlisinde aýtdy – diýip, TDH gullugy habar berýär.
“Türkmenhimiýa” döwlet konserni Özbegistan Respublikasynyň “Navoiy Milling” jogapkärçiligi çäkli jemgyýeti bilen fosforit ununy satyn almak barada şertnamany baglaşar. Bu barada degişli Karara geçen anna güni geçirilen Ministrler Kabinetiniň mejlisinde Prezident Serdar Berdimuhamedow gol çekdi – diýlip, TDH döwlet agentligi habar berýär.
Türki döwletleriň guramasynyň ulag boýunça ministrleri (OTG) Hazar deňzinde ýük paromlaryny bilelikde ýola goýmaga taýýardyklaryny mälim etdiler. Bu barada Guramanyň resmi saýtynda habar berilýär.
Türkmenistanyň Tebigaty goramak jemgyýetiniň we BMGÖM-iň başlangyjy bilen synag taslamasynyň iki tapgyrynyň dowamynda Aşgabatda 90 tonnadan gowrak plastik galyndylar sortlaşdyryldy we gaýtadan işlenildi – diýip, BMGÖM-nyň biziň ýurdumyzdaky hemişelik wekili Narine Saakýan «Neýtralnyý Turkmenistan» gazetine beren interwýusynda gürrüň berdi.
Türkmen çagasy bolanda, obanyň abraýly ýaşulysyny çagyryp, perzendine azan aýtdyrýar. Ol adam azan aýdyp, durmuşa ýaňyja aýak basan çagajyga ak pata berýär. Şeýdip, onuň Azan atasy bolýar. Halk arasyndaky gürrüňlere görä, çaganyň häsiýeti azan atasynyňka çekermişin. Şonuň üçin hem her kim öz zürýadyna gowy, abraýly adamyň azan aýdanyny isleýär.
Anna güni Türkmenistanyň nebitgaz toplumyna bagyşlanylan halkara sergi we maslahat tamamlandy. Foruma gatnaşyjylaryň arasynda dürli ýurtlaryň hem-de sebitleriň iri kompaniýalarynyň, halkara maliýe düzümleriniň ýolbaşçylary we wekilleri, önümçilikleri guraýjylar we ş.m. boldular.
28-nji oktýabr, anna güni Moskwada Daşary işler ministrleriniň orunbasarlarynyň derejesinde rus-türkmen geňeşmeleriniň nobatdaky tapgyry geçirildi. Duşuşygyň mowzugy – täze wehimlere we howplara garşy göreşmek, terrorçylyga garşy göreşde halkara hyzmatdaşlygy.
Türkmenistanyň Ahal welaýatynda anna güni irden üzüm nahallaryny oturtmak kampaniýasy geçirildi. Täze üzümçiligiň düýbüni tutmak "Organiki bakjalyk we onuň ekologiýa goşýan goşandy" atly okuw maslahatyndan soň geçirildi we dünýä tejribesinde deňi-taýy bolmadyk durmuş-bilim çäresine öwrüldi.
Prezident Serdar Berdimuhamedow türkmen ÝET-niň ösdürilmegini gazhimiýa senagatynyň kuwwatlyklaryny, tebigy gazyň gaýtadan işlenilişinden alynýan ahyrky önümiň önümçiliginiň möçberlerini artdyrmakdan ugur almaga gönükdirdi.
Mejlisiň – milli parlamentiň aşaky palatasynyň başlygy Gülşat Mämmedowanyň ýolbaşçylygyndaky türkmen wekiliýeti 27-28-nji oktýabrda Samarkantda iş saparynda bolup, GDA gatnaşyjy döwletleriň Parlamentara assambleýasynyň Geňeşiniň 54-nji mejlisiniň işine hem-de forumyň çäklerindäki çärelere gatnaşdy. Bu barada anna güni Türkmenistanyň DIM-niň saýtynda habar berilýär.
26-njy oktýabrdan 28-nji oktýabr aralygynda Aşgabatda geçirilen “Türkmenistanyň nebiti we gazy – 2022” atly XXVII halkara maslahaty öz işini tamamlady. Foruma gatnaşyjylar konstruktiw we netijeli pikir alyşdylar, çäräniň maksatnamasy ykdysadyýetiň, maýa goýum hyzmatdaşlygynyň, ekologiýanyň we halkara gatnaşyklarynyň ileri tutulýan meseleleriniň ähli ugurlaryny öz içine aldy.
Türkmenistanyň Döwlet daşary ykdysady iş bankynyň başlygy Rahymberdi Jepbarow daşary ýurtly maýadarlarlary Türkmenistanda "ýaşyl" taslamalaryň durmuşa geçirilmegine gatnaşmaga çagyrdy.
“Türkmennebit” Döwlet konserni we Germaniýanyň Hybrid Innovation GmbH kompaniýasy Aşgabatda geçirilen "Türkmenistanyň nebiti we gazy" atly halkara forumynyň çäginde şertnama baglaşdylar.
"Türkmennebit" Döwlet konserni ýangyç we energetika pudagy üçin enjam öndürýän Hytaýyň “Shandong kerui petroleum” kompaniýasy bilen şertnama baglaşdy. Oňa laýyklykda, türkmen tarapy umumy bahasy ABŞ-nyň 277,5 dollaryna barabar bolan önüm satyn alar.
Penşenbe güni Aşgabatda açylan "Türkmenistanyň nebiti we gazy" atly halkara forumynyň çäklerinde hyzmatdaşlyk hakynda resminamalara gol çekildi.
