Türkmenistan ýurduň agrosenagat toplumynyň zerurlyklary üçin Özbegistandan fosforit ununy satyn alar
“Türkmenhimiýa” döwlet konserni Özbegistan Respublikasynyň “Navoiy Milling” jogapkärçiligi çäkli jemgyýeti bilen fosforit ununy satyn almak barada şertnamany baglaşar. Bu barada degişli Karara geçen anna güni geçirilen Ministrler Kabinetiniň mejlisinde Prezident Serdar Berdimuhamedow gol çekdi – diýlip, TDH döwlet agentligi habar berýär.
Döwlet Baştutanymyz hökümetde senagat pudagyna jogap berýän wise-premýer Çarymyrat Pürçekowa ýüzlenip, ýurdumyzyň obasenagat toplumynyň öňünde goýlan maksatlara ýetmek üçin ýokary hilli dökünler bilen ýeterlik möçberde üpjün etmegiň wajypdygyna ünsi çekdi.
Fosforit uny mineral dökün bolup, dag jynslarynyň çökündileriniň juda ownuk üwelmegi arkaly – fosforitler alynýar. Bu dökün ekologiýa taýdan tebigy arassalygy hem-de uzak möhletiň dowamynda topraga oňyn täsir edýänligi bilen tapawutlanýar.
ORIENT news
Surat: pochva.net
