BMG, Merkezi Aziýa döwletleriniň we Ýewropa Bileleşiginiň wekilleri «Sendai» çarçuwaly taslamasynyň durmuşa geçirilişini ara alyp maslahatlaşmak üçin ýygnandylar, onuň çäklerinde Merkezi Aziýada betbagtçylyklaryň töwekgelçiligini azaltmak boýunça bilelikdäki strategiýa işlenip düzüldi.
Türkmenistanda «Milli aýdym-saz sungaty dünýä halklarynyň mirasynda» atly halkara festiwaly açyldy. Oňa gatnaşmak üçin Täjigistanyň, Gyrgyzystanyň, Özbegistanyň, Azerbaýjanyň, Türkiýäniň, Tatarystanyň, Gazagystanyň, Eýranyň we beýleki ýurtlaryň wekilleri Türkmenistana geldiler.
1-nji dekabrda Polşanyň Lodzi şäherinde geçirilen ÝHHG-nyň DIMG-niň mejlisiniň çäklerinde Rumyniýanyň Daşary işler ministri Bogdan Auresku azerbaýjanly kärdeşi Jeýhun Baýramow bilen bolan duşuşygyň dowamynda Gara deňiz - Hazar deňzi ugry boýunça halkara ýük ulag ugruny döretmek we ulanmak baradaky ylalaşygyň baglaşylmagy babatda 8-nji noýabrda Rumyniýanyň, Azerbaýjanyň, Gruziýanyň we Türkmenistanyň arasynda gepleşikleriň başlanmagyny makullady.
Italiýanyň Aşgabatdaky ilçihanasyna diplomatik wekiliýetiniň ýolbaşçysy Luçano Galliniň ýerine kärdeşi Luidži Ferrari bellendi. Bu barada “OnuItalia” Rimiň 2014-nji ýylda türkmen paýtagtynda diplomatik ofisini açandygyny bellemek bilen, habar berýär.
Türkmenistanyň topary Indoneziýada Banten welaýatynyň Tangerang şäherinde 3-11-nji dekabr aralygynda ýetginjekleriň arasynda geçiriljek uşu boýunça 8-nji dünýä çempionatyna gatnaşmaga ugraýar
Bäş gün, bäsleşige gatnaşdyrylýan 53 film hem-de 40 ýurtdan myhmanlar – 29-njy noýabrda Almatyda “Bastau” atly talyplaryň we ilkinji gezek görkezilýän filmleriniň Х Halkara festiwaly açyldy. Kinoforum 3-nji dekabra çenli Almatynyň döredijilik meýdançalarynda geçiriler diýip, gazak habarlar agentlikleri habr berýärler.
Penşenbe güni geçirilen söwdalaryň dowamynda Ýewropada 1 müň kubmetr üçin bahasy oktýabryň ortalaryndan bäri ilkinji gezek $1750-dan ýokary galdy. Muňa Londonyň ICE biržasynyň malumatlary şaýatlyk edýär. Günüň başyndan bäri bahanyň umumy ýokarlanyşy 11%-den gowrakdyr.
Owganystanyň demirgazygynda Goş-Depe iri suwaryş kanalynyň gurluşygyna badalga berilmegine bagyşlanan dabara geçirildi. Çärä “Talibanyň” ýokary wezipeli ýolbaşçylary, şol sanda wise-premýer Abdul Gani Baradar, şeýle hem söwda, oba hojalyk, maglumat we serhet gullugy ministrleriniň wezipelerini ýerine ýetirijiler gatnaşdylar.
2022-nji ýylyň 1-nji dekabryndan başlap, “Türkmenistan” awiýakompaniýasy halkara gatnawlarynda alnyp gidilýän goşmaça ýüküň bahasyny galdyrdy.
Stambuldan we Dubaýdan Türkmenistana halkara ugurlar boýunça gatnawlary amala aşyrýan “Türkmenistan” awiakompaniýasynyň uçarlary Aşgabat howa menziline gonar. Bu üýtgetmeler 2022-nji ýylyň 1-nji dekabrynda güýje girýär – diýip, “Türkmenhowaýollary” habar berýär.
Azerbaýjanyň prezidenti Ylham Alyýew sişenbe güni söwda toplumynyň meseleleri boýunça wise-premýer Batyr Atdaýewiň ýolbaşçylygyndaky Türkmenistanyň wekiliýetini kabul etdi. Bu barada respublikanyň baştutanynyň resmi web saýty habar berýär.
Hytaý Aziýa oýunlarynyň taryhynda ilkinji gezek 2023-nji ýylyň 23-nji sentýabryndan 8-nji oktýabry aralygynda Çžeçzýan welaýatynyň Hançžou şäherinde geçiriljek Aziýa 2022 oýunlary üçin interaktiw sanly alaw göteriji platformasyny hödürledi. Bu barada China Daily habar berýär.
Türkmenistanyň Ahal welaýatynyň Bäherden etrabynda günde 20 müň kub metr suwy arassalamak kuwwatyna eýe bolan täze suw arassalaýjy desgasy açyldy. Bu barada şu gün «Neýtralnyý Türkmenistan» gazeti habar berýär.
Ýewropanyň abatlaýyş we ösüş bankynyň hem-de Ýaponiýanyň hökümetiniň çagyrmagy boýunça Türkmenistanyň maliýe we ykdysadyýet ministri Muhammetgeldi Serdarowyň ýolbaşçylygyndaky türkmen wekiliýeti Ýaponiýada Merkezi Aziýa maýa goýum forumyna gatnaşýar diýip, TASS habar berýär.
30-njy noýabrda çarşenbe güni Türkmenistanyň Döwlet haryt we çig mal biržasynyň söwdalaşyklarynda Gruziýadan gelen telekeçi 11,5 müň kg dürli görnüşdäki tekiz we gülli dokma önümlerini satyn aldy. Bu barada ORIENT-iň habarçysy habar berýär.
