Täsiri tolgundyryjy film: “Gyzyl kürte” kinofilmi Almatyda “Bastau” halkara kinofestiwalynda görkeziler
Bäş gün, bäsleşige gatnaşdyrylýan 53 film hem-de 40 ýurtdan myhmanlar – 29-njy noýabrda Almatyda “Bastau” atly talyplaryň we ilkinji gezek görkezilýän filmleriniň Х Halkara festiwaly açyldy. Kinoforum 3-nji dekabra çenli Almatynyň döredijilik meýdançalarynda geçiriler diýip, gazak habarlar agentlikleri habr berýärler.
Şu ýyl kinofestiwala gatnaşyjylaryň köpelişi ýaly, onuň maksatnamasynyň möçberi hem ep-esli artdy – Afrika, Latyn Amerikasy, Ýewropa, Ýakyn Gündogar ýurtlaryndan we Ýaponiýadan režissýorlar hem-de artistler öz işlerini görkezerler.
Tomaşaçylar festiwala gatnaşyjy ýurtlaryň kinostudiýalarynda düşürlen awtorlyk, dokumental we gysga göwrümli filmleri görüp bilerler. Bäsleşige gatnaşdyrylýan filmleriň köpüsi, eýýäm, dürli halkara baýraklaryna eýe boldy. Mysal üçin, türkmen režissýory Sahysalyh Baýramowyň “Gyzyl kürte” kinofilmi “Türki medeniýete goşandy üçin” diýen türk kinofestiwalynyň baýragyna mynasyp bolandyr.
Oguzhan ayndaky “Türkmenfilm” kinostudiýasynda düşürlen çeper film Bastau Halkara kinofestiwalynyň bäsleşikden daşary maksatnamasyna girdi. Kinofilm bolup geçen hakyky wakalara esaslanyp Beýik watançylyk urşy ýyllary hem-de urşa giden söýgüli ýaryna wepalylygyny hemişelik saklan gyzyň ykbaly barada gürrüň berilýär.
Türkmen režissýorynyň filmi Almaty şäherinde 2-nji dekabrda görkeziler.
ORIENT news
