Türkmenistan Indoneziýada ýetginjekleriň arasynda geçiriljek uşu boýunça dünýä çempionatyna öz pälwanlaryny çykarar
Türkmenistanyň topary Indoneziýada Banten welaýatynyň Tangerang şäherinde 3-11-nji dekabr aralygynda ýetginjekleriň arasynda geçiriljek uşu boýunça 8-nji dünýä çempionatyna gatnaşmaga ugraýar.
Türkmen wekiliýetiniň düzüminde alty türgen hem-de iki tälimçi bar.
Ýer ýüzüniň iň güýçli ýaş pälwanlary erkekler we zenanlar tapgyrlarynda iki görnüş: galtaşyksyz taolu we doly galtaşykly sanda boýunça güýç synanyşarlar
Dünýä ýaryşyna Halkara uşu federasiýasyna (IWUF) agza ýurtlaryň 72-sinden türgenleriň, tälimçileriň hem-de eminleriň 1000-den gowragy gatnaşarlar.
Bu çempionat gatnaşýan ýurtlaryň sany boýunça iň köp möçberlisi bolup durýar. Ozalky ýedi ýaryşlarda ortaça, takmynan, 40 ýurtdan türgenler gatnaşypdylar. Görnüşi ýaly, türkmen uşuçylarynyň bäsdeşligi örän ýiti bolar.
Şeýle hem uşu ilkibaşda geçirilmegi 2022-nji ýylda bellenen hem bolsa, soňra wagty üýtgedilip 2026-njy ýylda Dakarda geçirmek meýilleşdirilen ýetginjekleriň tomusky Olimpiýa oýunlarynyň maksatnamasyna girizildi.
ORIENT news
