Stambuldan we Dubaýdan gelýän halkara gatnaw uçarlary Aşgabada gonar

Dekabr 02, 2022 | 00:03 |5013

Stambuldan we Dubaýdan Türkmenistana halkara ugurlar boýunça gatnawlary amala aşyrýan “Türkmenistan” awiakompaniýasynyň uçarlary Aşgabat howa menziline gonar. Bu üýtgetmeler 2022-nji ýylyň 1-nji dekabrynda güýje girýär – diýip, “Türkmenhowaýollary” habar berýär.

Ozal “Türkmenhowaýollarynyň” Dubaýdan uçýan howa gämileriniň Türkmenabadyň halkara howa menziline we Stambuldan - Türkmenbaşynyň halkara howa menziline gonýandygyny ýatladýarys. Indi Aşgabat-Stambul-Aşgabat we Aşgabat-Dubaý-Aşgabat ugry boýunça gatnawlar Aşgabat halkara howa menzilinden amala aşyrylar.

Gatnawlaryň rejesini awiakompaniýanyň turkmenistanairlines.tm resmi saýtyndan ýa-da +993 12 233398, + 993 12 234592 telefon belgileri arkaly anyklamak bolar.

ORIENT news