Tokioda Merkezi Aziýa maýa goýum forumy açyldy Ýaponiýa maýa goýum taslamalaryny durnukly taslamalary ösdürmek üçin gatnaşyklary ýola goýdy
Ýewropanyň abatlaýyş we ösüş bankynyň hem-de Ýaponiýanyň hökümetiniň çagyrmagy boýunça Türkmenistanyň maliýe we ykdysadyýet ministri Muhammetgeldi Serdarowyň ýolbaşçylygyndaky türkmen wekiliýeti Ýaponiýada Merkezi Aziýa maýa goýum forumyna gatnaşýar diýip, TASS habar berýär.
Foruma Merkezi Aziýa ýurtlarynyň, Mongoliýanyň we Ýaponiýanyň hökümetleriniň wekilleri, şeýle hem işewür toparlaryň hem-de öňdebaryjy ýapon korporasiýalarynyň ýolbaşçylary gatnaşýarlar. Gatnaşyjylar Merkezi Aziýada söwda we maýa goýumlar, sebitde energetika ulgamynyň özgermegi bilen baglanyşykly meseleleri ara alyp maslahatlaşdylar, ýaşyl energetikany bilelikde goldamak barada ylalaşdylar hem-de ykdysadyýetiň ileri tutulýan ugurlaryna öňdebaryjy infrastrukturanyň ornaşdyrylmagyny we beýlekileri ara alyp maslahatlaşdylar.
Soňky döwürde Ýaponiýa Merkezi Aziýa ýurtlary bilen gatnaşyklary ösdürmäge uly üns berýär. Bu gyzyklanma tassyklanyp, noýabrda Tokioda parlamentiň deputatlarynyň Ýaponiýa bilen Merkezi Aziýa ýurtlarynyň arasynda dostluk üçin diýen Assosiasiýasy döredildi.
Kongresde dekabryň ahyrynda ýapon paýtagtynda Ýaponiýanyň, Gazagystanyň, Gyrgyzystanyň, Täjigistanyň, Türkmenistanyň hem-de Özbegistanyň daşary syýasat edaralarynyň ýolbaşçylarynyň duşuşygy geçiriler.
ORIENT news
