Rumyniýanyň Daşary işler ministri Gara deňiz - Hazar deňzi ugry boýunça ýük daşamak baradaky gepleşikleri makullady
1-nji dekabrda Polşanyň Lodzi şäherinde geçirilen ÝHHG-nyň DIMG-niň mejlisiniň çäklerinde Rumyniýanyň Daşary işler ministri Bogdan Auresku azerbaýjanly kärdeşi Jeýhun Baýramow bilen bolan duşuşygyň dowamynda Gara deňiz - Hazar deňzi ugry boýunça halkara ýük ulag ugruny döretmek we ulanmak baradaky ylalaşygyň baglaşylmagy babatda 8-nji noýabrda Rumyniýanyň, Azerbaýjanyň, Gruziýanyň we Türkmenistanyň arasynda gepleşikleriň başlanmagyny makullady.
Bu barada Rumyniýanyň Daşary işler ministrliginiň penşenbe güni çap eden metbugat beýanatynda habar berilýär.
Rumyn diplomatiýasynyň baştutany energetika, aragatnaşyk we ulag pudaklarynda taslamalaryň durmuşa geçirilmeginiň ähmiýetini bellemek bilen, Azerbaýjan bilen hyzmatdaşlygyň bar bolan potensialyny doly ulanmagyň möhümdigini aýtdy. Bu nukdaýnazardan, Bogdan Auresku 17-nji dekabrda Buharestde Rumyniýanyň, Azerbaýjanyň, Gruziýanyň we Wengriýanyň arasynda "ýaşyl" elektrik energiýasyny geçirmek üçin suwasty kabeliň döredilmegi babatda özara düşünişmek hakynda ähtnama gol çekilmegine garaşylýandygyny belläp geçdi.
ORIENT news
