Premýer-ministr Mihail Mişustin penşenbe güni Hazar kenarynyň ýylda azyndan bir million syýahatçyny kabul edip biljekdigini we onuň ägirt uly syýahatçylyk mümkinçilikleriniň bardygyny aýtdy.
Moskwada Russiýa federasiýasynyň hökümetiniň başlygy Mihail Mişustiniň, Azerbaýjanyň premýer-ministri Ali Asadowyň, Gazagystanyň premýer-ministri Alihan Smailowyň, Eýranyň birinji wise-prezidenti Mohammat Mohberiň we Türkmenistanyň Ministrler Kabinetiniň Başlygynyň orunbasary Hojamyrat Geldimyradowyň gatnaşmagynda gysga düzümde II Hazar ykdysady forumyna gatnaşyjy ýurtlaryň wekilýetleriniň ýolbaşçylarynyň duşuşygy geçirildi.
Gyrgyzystan 2023-nji ýylda Türkmenistandan we Gazagystandan 2,6 mlrd.Kwt.s elektrik energiýany import eder. Bu barada penşenbe güni, 6-njy oktýabrda Žokorku Keneşiniň (parlament) mejlisinde energetika ministriniň wezipesini ýerine ýetiriji Taaýlaýbek Ibraýew aýtdy diýip, Tazabek habar berýär.
“Türkmenistan häzirki wagtda gurluşygyna rus kompaniýalarynyň işjeň gatnaşýan infrastrukturasyna ep-esli maýa goýýar. Bu ýerde Hazar deňziniň iň döwrebap porty Türkmenbaşy porty guruldy" - diýip, Russiýanyň Ykdysady ösüş ministri Maksim Reşetnikow şu gün Moskwada işe başlan II Hazar ykdysady forumynyň öňüsyrasynda “Rossiýskaýa Gazeta " beren interwýusynda aýtdy.
Türkmen parlamentiniň ýokary palatasynyň Başlygy Gurbanguly Berdimuhamedow çarşenbe güni Ahal welaýatynyň gurulýan dolandyryş merkeziniň çäklerine geldi hem-de täze şäheriň häkimi Şamuhammet Durdylyýew we sebit merkezini gurmak baradaky Döwlet komitetiniň ýolbaşçysy Derýageldi Orazow bilen metjit gurmak üçin ýer kesgitledi.
Türkmenistanyň ýokary okuw mekdeplerinde ylmy barlaglary neneňsi täjirçilik taýdan bähbitli etmeli? Döwür bilen aýakdaş gitmek üçin okuw maksatnamalaryny neneňsi kämilleşdirmeli? Şu we beýleki sowallara Aşgabatda üç günlik halkara onlaýn-okuw maslahatynyň dowamynda jogap bermäge synanyşyldy.
Halkara raýat awiasiýasy guramasynda (ICAO) Türkmenistanyň hemişelik wekili Meret Orazow 27-nji sentýabrdan 7-nji oktýabr aralygynda Kanadanyň Monreal şäherinde awiasiýa boýunça BMG-nyň ýöriteleşdirilen edarasynyň ştab-kwartirasynda geçirilýän ICAO Assambleýasynyň 41-nji mejlisine gatnaşdy.
Türkmenistanyň wekiliýeti II Hazar ykdysady forumyna gatnaşýar. Bu çäre 5-nji we 6-njy oktýabrda Moskwanyň Skolkowo tehnoparkynda geçirilýär. Oňa Russiýanyň premýer-ministri Mihail Mişustin we “hazar bäşligine” girýän ýurtlaryň ýokary derejeli ýolbaşçylary gatnaşýarlar.
Türkmenistanyň Parlamentiniň ýokary palatasynyň baştutany Gurbanguly Berdimuhamedow Hytaýyň döwlet KHBS-niň adyndan gatnaşan Hytaý ilçihanasynyň metbugat wekili Wan Sziu beren interwýusynda türkmen-hytaý gatnaşyklaryny “görelde alarlyk” diýip atlandyrdy.
Türkmenistanyň Daşary işler ministrliginiň Halkara gatnaşyklary institutynda ÝUNESKO-nyň Milli komissiýasynyň sekretariaty we uniwersitetiň rektorlygy tarapyndan döredilen «Dünýä medenýeti» klubynyň açylyş dabarasyna boldy.
Şu gün Moskwada II Hazar ykdysady forumynyň çäklerinde “Hazar: Ýewraziýa ulag-logisika merkezi” diýen at bilen tegelek stol geçirildi.
Birleşen Milletler Guramasynyň Neşe serişdelerine we jenaýatlara garşy göreşmek baradaky Müdirligi (UNODC) USAID-iň «Merkezi Aziýadaky Howpsuz Migrasiýa Maksatnamasy» bilen bilelikde migrasiýa meseleleri boýunça maslahat bermek maksady bilen, Aşgabatda döwlet we jemgyýetçilik gyzgyn aragatnaşyk operatorlarynyň hünärlerini kämilleşdirmeklige gönükdirilen gibrid görnüşinde türgenleşik okuwyny gurady.
Türkmenistanyň Daşary işler ministrliginiň saýtynda berilýän habara laýyklykda Türkmenistanyň we Gazagystanyň Daşary işler ministrleriniň orunbasarlary Wepa Hajyýew we Ýermuhambet Konuspaýew Türkmenistanyň Prezidenti Serdar Berdimuhamedowyň Gazagystana döwlet saparynyň guramagyň meselelerini wideoargatnaşyk ulgamy arkaly ara alyp maslahatlaşdylar.
Ispaniýanyň Ibertest kompaniýasy «Turkmendemirýollary» agentligine demir ýollary synag etmek üçin Milli barlaghanany döretmegi teklip etdi, bu geljekde Türkmenistanda ýokary tizlikli demirýol ulgamyny gurmaga kömek eder.
Türkmenistanyň Daşary işler ministrliginiň, Adalat, Maliýe we ykdysadyýet ministrlikleriniň, şeýle hem Türkmenistanyň Ýokary kazyýetiniň we Baş prokuraturasynyň işgärlerinden ybarat bolan wekiliýet 4 günlük saparynyň çäklerinde Ýewropa Geňeşiniň wekilleri bilen halkara hyzmatdaşlygynyň meselelerini ara alyp maslahatlaşýar.
