Türkmenistanyň syýasy kartasynda täze häzirki zaman şäherçesi peýda boldy
Türkmen parlamentiniň aşaky palatasy «Balkan welaýatynyň Bereket etrabynda döredilen täze ilatly ýere şäherçe derejesini bermek we oňa at dakmak hakynda» karar kabul etdi. Mejlisiň başlygy Gülşat Mämmedowa tarapyndan tassyklanan kararyň teksti TDH agentligi tarapyndan berilýär.
Şeýle hem kararda «Gulmaç» geňeşligini ýatyrmagyň we onuň Gulmaç, Gamakly, Isgender, Ok we Öýleguşluk obalaryny «Galkynyş» daýhan birleşiginiň dolandyryş tabynlygyna berilmeginiň zerurlygy görkezildi.
Türkmenistanyň Oba hojalyk we daşky gurşawy goramak ministrligine täze şäherçäniň dolandyryş çäklerini beýan etmek tabşyryldy.
«Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasynyň» çäklerinde gurlan bu täze döwrebap şäherçe ýurduň ykdysady ösüşine we dolandyryş-çäk bölünişigini gowulandyrmaga özüniň mynasyp goşandyny goşar.
ORIENT news
Surat: Yandex
