Ilkinji gezek GDA ýurtlarynyň prezident kitaphanalary birleşigi döredildi
– Sankt-Peterburg Russiýanyň we GDA ýurtlarynyň prezident kitaphanalary birleşigini döretmek üçin platforma öwrüler – diýip, prezident kitaphanasynyň metbugat gullugy habar berýär, ol ýerde duşenbe güni halkara derejeli täze guramanyň döredilmegi baradaky teswirnama gol çekildi.
Sowet döwründen soň şeýle gurama ilkinji gezek döredilýär. Guramanyň işiniň maksatnamasy bilelikdäki çäreleri, tegelek stollary, konferensiýalary we ýygnaklary geçirmegi öz içine alýar. "Assosiasiýa dünýäniň medeni gymmatlyklarynyň giňden elýeter bolmagyna mümkinçilik döreder" – diýlip, habarda bellenilýär.
Şeýle hem, täze gurama döwlet edaralaryna maglumat-analitiki goldaw bermekde tejribe alyşmaga we taryh, kanun, ykdysadyýet, syýasat, medeni gatnaşyklar we öňdebaryjy tehnologiýalaryň ornaşdyrylmagy bilen baglanyşykly meseleler boýunça çeşmeleriň özara ulanylmagyny üpjün eder.
"Şäher GDA ýurtlarynyň ählisi bilen dostlukly gatnaşyklary saklamaga we pugtalandyrmaga uly üns berýär. Kitaphanalaryň çeşmelerini birleşdirmek hyzmatdaşlygyň ösüşiniň möhüm bölegi bolar – Prezident kitaphanasy tarapyndan GDA ýurtlaryndan bolan hyzmatdaşlary bilen bilelikde yzygiderli esasda çäreleri geçirmek meýilleşdirilýär – diýlip, habarda Peterburgyň Daşary gatnaşyklar boýunça komitetiniň başlygy Ýewgeniý Grigorýewiň sözleri getirilýär.
ORIENT news
