HabarlarMakalalarAnonsBiz baradaHabarlaşmak
Biz barada Habarlaşmak

Biziň yhlasymyz – adamlary ýakynlaşdyrmak

Habarlar
Makalalar
Anons
Biz barada
Habarlaşmak

Copyright 2017-2026 ORIENT - HABARLAR AGENSTWASY

Biz barada | Habarlaşmak |

Moskwada ýaş türkmen skripkaçysynyň ýekelikde konserti geçiriler

Dekabr 13, 2022 | 23:48 |11929
Moskwada türkmen skripkaçysy, Russiýanyň Gnesinler adyndaky Saz akademiýasynyň asistent-stažýory Aýbölek Muhyýewanyň ýekelikde ilkinji konserti geçiriler. Bu çykyş 15-nji dekabrda Russiýanyň paýtagtyndaky öňdebaryjy ÝOM bolan Saz akademiýasynyň kamera zalynda bolar.Moskwada türkmen skripkaçysy, Russiýanyň Gnesinler adyndaky Saz akademiýasynyň asistent-stažýory Aýbölek Muhyýewanyň ýekelikde ilkinji konserti geçiriler. Bu çykyş 15-nji dekabrda Russiýanyň paýtagtyndaky öňdebaryjy ÝOM bolan Saz akademiýasynyň kamera zalynda bolar.
Çeşme:

Moskwada türkmen skripkaçysy, Russiýanyň Gnesinler adyndaky Saz akademiýasynyň asistent-stažýory Aýbölek Muhyýewanyň ýekelikde ilkinji konserti geçiriler. Bu çykyş 15-nji dekabrda Russiýanyň paýtagtyndaky öňdebaryjy ÝOM bolan Saz akademiýasynyň kamera zalynda bolar.

01.jpeg

Maýa Kulyýewa adyndaky Türkmen milli konserwatoriýasynyň uçurymy, häzirki wagtda meşhur “Gnesinkanyň” talyby Aýbölegiň bu konserti, hut aspirantyň ylmy işini goramagy ýaly wajyp synag bolup, sazandanyň ussatlygyna baha bermek üçin Russiýanyň saz ulgamynda uly hormatdan peýdalanýan tanymal akademikleri we professorlary, at gazanan we halk artistleri, iň ökde skripkaçylar, şeýle-de halkara we milli bäsleşikleriň ýeňijileri bolan talyplar ýygnanar.

2.jpeg

Bir söz bilen aýdylanda, zalda Moskwanyň aýdym-saz dünýäsiniň baýry wekilleri bolar, bu bolsa Türkmenistandan gelen ýaş ýerine ýetiriji üçin uly jogapkärçilik we, elbetde, diýseň tolgundyryjy pursatdyr. Oňa fortepianoda halkara bäsleşikleriň laureaty Azaliýa Soltanowa sazandarlyk eder.

Bu Aýbölegiň Moskwa sahnasynda ýekelikde ilkinji konserti we “Gnesinkanyň” talyby hökmünde, üçünji konserti bolar. Onuň ilkinji iki çykyşy Aşgabatda bilim alan ojagy bolan Türkmen milli konserwatoriýasynda bolupdy. Ýeri gelende aýtsak, Aýbölek konserwatoriýada mugallym bolup işledi, talyplyk ýyllarynda bolsa türkmen skripka mekdebiniň düýbüni tutujy halypa sazanda Nikolaý Amiansyň elinde tälim aldy.

3.jpeg

Şol bir wagtyň özünde, ol dirižýor Rasul Gylyjowyň ýolbaşçylygynda Döwlet simfoniki orkestriniň düzüminde çykyş etdi we Belarussiýa, Germaniýa, Gyrgyzystana we Russiýa gurnalan gastrollara gatnaşdy. Mekdep ýyllarynda Aýbölek skripkaçylaryň çagalar ansamblynda çykyş etdi.

Moskwa akademiýasynda ýaş artist Russiýanyň at gazanan artisti, meşhur skripkaçy Leonid Koganyň okuwçysy, professor Wladislaw Igolinskiniň elinde tälim alýar.

Aýbölek Muhyýewanyň gran-pri baýragynyň eýesidigini we Ermenistanda, Italiýada, Russiýada we beýleki ýurtlarda geçirilen köp sanly halkara saz bäsleşikleriniň we festiwallarynyň ýeňijisidigini hem bellemelidiris.

04.jpeg

Moskwanyň saz muşdaklary zehinli ýaş türkmen skripkaçysynyň ýerine ýetirmeginde G. Ernstiň, F. Kreýsleriň, P.I.Çaýkowskiniň dünýä meşhur saz eserlerini diňläp bilerler.

Konsert penşenbe güni Moskwada Russiýanyň Gnesinler adyndaky Saz akademiýasynyň kamera zalynda sagat 19.00-da başlaýar. Giriş çakylyk petekleri boýunça.

Gulýa Geldiýewa

Beýleki habarlar

tmcell
TNGIZD
toyota banner
orient mobil gosyndy
orient mobile ios
Bilelik HUB
«Neo-şygryýet» interaktiw sergisi myhmanlara Olimpiýa şäherçesindäki «Art-bazar» galereýasynda garaşýar

«Neo-şygryýet» interaktiw sergisi myhmanlara Olimpiýa şäherçesindäki «Art-bazar» galereýasynda garaşýar

16:40 Iýun 18, 2026
Türkmenistanda ene süýdi bilen iýmitlendirmegi goldamak boýunça milli kampaniýa badalga aldy

Türkmenistanda ene süýdi bilen iýmitlendirmegi goldamak boýunça milli kampaniýa badalga aldy

16:35 Iýun 18, 2026
Eýran gury ýerdäki gaz känlerinde gaz çykarylyşyny artdyrýar

Eýran gury ýerdäki gaz känlerinde gaz çykarylyşyny artdyrýar

14:34 Iýun 18, 2026