TDHÇM-daky söwdalaşyklar: uçar ýangyjyna we nah ýüplügine isleg bildirildi
Anna güni 9-njy dekabrda Türkmenistanyň Döwlet haryt we çig mal biržasynyň söwdalaşyklarynda umumy jemi 3,7 million amerikan dollary we 262,5 müň TMT bolan 3 geleşik baglaşyldy. Bu barada ORIENT-iň habarçysy habar berýär.
Özbegistandan gelen telekeçi söwdalaşyklarda 4,8 müň tonna TS-1 kysymly uçar kerosinini satyn aldy we önümiň her tonnasyna 771 amerikan dollaryny teklip etdi. Geleşigiň umumy jemi 3,7 million amerikan dollaryndan geçdi.
Irlandiýaly telekeçi söwdalaşyklarda jemi 27 müň amerikan dollaryndan gowrak bolan 12,6 müň kg nah ýüplügini satyn aldy. Şeýle hem Gazagystandan gelen işewür milli manat hasabynda bahasy 262,5 müň TMT bolan şertnamanyň esasynda 8,4 müň kg nah ýüplügini satyn aldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT news
Surat: redaksiýanyň arhiwinden
