Türkmenistanyň Söwda-senagat edarasynyň başlygy Döwletgeldi Rejepow “Işewür Hazar” atly hazarýaka sebitiniň ýurtlarynyň söwda-senagat edaralarynyň işewür hyzmatdaşlygynyň Halkara geňeşiniň mejlisine gatnaşdy. Duşuşyk çarşenbe güni “Skolkowo” tehnoparkynda 5-6-njy oktýabrda Moskwada geçirilen II Hazar ykdysady forumynyň maksatnamasynyň çäklerinde bolup geçdi.
Russiýanyň Türkmenistandaky ilçihanasynyň Telegramda habar bermegine görä, Russiýanyň S7 Airlines awiakompaniýasy Moskwa ― Türkmenbaşy ― Moskwa ugry boýunça 17-nji oktýabrdan yzygiderli howa gatnawlaryny ýerine ýetirip başlar.
Türkmenistanda Hatyra güni geçirildi - ýurdumyzda her ýyl 6-njy oktýabrda 1948-nji ýyldaky Aşgabat ýer titremesiniň pidalaryny, söweş meýdanlarynda wepat bolan gahrymanlary hasrat bilen ýatlaýarlar.
Türkmenistanyň Prezidenti Serdar Berdimuhamedow Russiýanyň döwlet baştutany Wladimir Putini 70 ýaş ýubileýi mynasybetli tüýs ýürekden gutlady. Bu barada TDH gullugy habar berýär.
Türkmenistanyň Daşary işler ministriniň orunbasary Berdinyýaz Mätiýewiň ýolbaşçylygyndaky türkmen wekiliýetiniň Aziýa Olimpiýa Geňeşiniň Baş Assambleýasynyň 41-nji mejlisine gatnaşmak üçin Pnompen şäherine amala aşyran saparynyň barşynda Türkmenistan bilen Kamboja Patyşalygynyň arasyndaky ikitaraplaýyn gatnaşyklary giňeltmegiň geljegi ara alyp maslahatlaşyldy. Bu barada Türkmenistanyň Daşary işler ministrliginiň saýtynda habar berilýär.
Türkmenistan we Gyrgyzystan 2022-nji ýylyň ýanwar-iýun aýlarynda söwdanyň möçberini üç esse artdyryp, 59,88 million dollara ýetirdi – diýip, Türkmenistandaky Gyrgyzystanyň işler ynanylan wagtlaýyn wekili «Türkmenistan» gazetine beren interwýusynda gürrüň berdi.
Türkmenistanyň Ylymlar akademiýasynyň alymlary we agzalary «Türkmenistanda seýsmiki howplara baha bermegiň usullary» atly maslahatynda mümkin bolan ýer titremeleriň bolup biljek netijelerini azaltmak meselelerini ara alyp maslahatlaşdylar. Bu barada «Нейтральный Туркменистан» gazeti ýazýar.
Türkmenistanyň wekilleri migrasiýa syýasaty babatynda takyk seljerme beriş meselelerini ara alyp maslahatlaşdylar we Türkiýäniň Stambul şäherinde Migrasiýa baradaky halkara guramasynyň maslahatynyň dowamynda migrasiýa maglumatlaryny alyşmak, toplamak we seljermek boýunça halkara tejribesi bilen tanyşdylar.
Türkmenistan Hazar sebitiniň ýurtlarynyň ýeke-täk “harytlary geçiriş ulgamyny” döretmegi teklip edýär. Bu barada penşenbe güni wise-premýer Hojamyrat Geldimyradow Moskwada geçirilen ikinji Hazar ykdysady forumynyň umumy mejlisinde aýtdy.
Türkmen hökümetiniň wise-premýeri Hojamyrat Geldimyradow penşenbe güni Moskwada Hazar ykdysady forumynda çykyş edip hazarýaka ýurtlaryny energetika pudagynda hyzmatdaşlyk etmäge çagyrdy.
Şeýle beýanat bilen Türkmenistanyň Ministrler Kabinetiniň Başlygynyň ykdysadyýet meseleleri boýunça orunbasary Hojamyrat Geldimyradow Moskwanyň “Skolkowo” merkezinde guralan Hazar ykdysady forumynyň umumy mejlisinde çykyş etdi diýip, TASS rus agentligi habar berýär.
Çarşenbe güni, 5-nji oktýabrda Türkmenistanyň Döwlet haryt-çig mal biržasynyň söwdalarynda umymy bahasy $1,8 million bolan 5 geleşik baglaşyldy diýip, ORIENT-iň habarçysy habar berýär.
“Gazagystan Demirgazyk-Günorta we Gündogar-Günbatar ulag geçelgeleriniň mümkinçiliklerini artdyrjak serhetaşa merkezleri döretmek boýunça uly meýilnamalary göz öňünde tutýar. Bular Aktau we Kuryk deňiz portlary, “Horgos” gury porty, “Merkezi Aziýa” Halkara senagat hyzmatdaşlyk merkezi we beýlekiler" - diýip, Gazagystanyň premýer-ministri Alyhan Smailow Moskwada geçirilen ikinji Hazar ykdysady forumynyň umumy mejlisinde aýtdy.
«Нейтральный Туркменистан» gazetiniň habar bermegine görä, Türkmenistanyň Prezidenti Serdar Berdimuhamedow çarşenbe güni Döwlet howpsuzlyk geňeşiniň mejlisinde döwlet edaralary tarapyndan kadalaşdyryjy hukuk hereketleriniň ýerine ýetirilişine prokuror gözegçiligini güýçlendirmek barada görkezme berdi.
Amerikanyň Birleşen Ştatlarynyň Halkara ösüş boýunça agentligi (USAID) harytlary we hyzmatlary eksport etmek üçin başga bazarlary tapmaga kömek etmek üçin Merkezi Aziýa ýurtlary üçin söwda boýunça býujet maksatnamalaryny 15,2 million ABŞ-nyň dollaryna çenli artdyrmagy meýilleşdirýär. Bu barada RT habar berýär.
