Biz ýakynlaşmagy ugur edinýäris

Xiaomi 16 smartfonlaryň geljekki seriýasynyň esasy aýratynlygy — 50 megapiksellik öň kamera bolar. Täze modelleriň tanyşdyrylyşy 2025-nji ýylyň sentýabr aýynyň ahyrynda Hytaýda geçiriler diýip, belli insaýder Digital Chat Station habar berýär.

Bu ýokary hilli öň kamera Xiaomi 16, Xiaomi 16 Pro we Xiaomi 16 Pro Mini ýaly seriýanyň ähli esasy modellerinde peýda bolar diýip çaklanylýar.

Modelleriň garaşylýan aýratynlyklary:

• Xiaomi 16 (standart görnüşi) — 6,5 dýuýmlyk displeý bilen üpjün ediler.

• Xiaomi 16 Pro Mini — 6,3 dýuýmlyk ekrana eýe bolar we esasy kamera sensory, periskopik teleobyýektiw we simsiz zarýad beriji enjamy ýaly öňdebaryjy aýratynlyklary hödürlär. Ýöne häzirki prototipiň batareýasy az mukdarda kuwwatly, we optimizasiýa işleri dowam edýär.

• Xiaomi 16 Pro — 6,8 dýuýmlyk displeý bilen enjamlaşdyrylar.

Seriýanyň ähli modelleri täze nesil, ýokary öndürijilikli Snapdragon 8 Elite 2 çipsetinde işlejekdir.

2026-njy ýylda bu seriýa Xiaomi 16 Ultra we Xiaomi 16S Pro ýaly täze modeller bilen giňeldiler diýlip garaşylýar. 16S Pro modeli Xring O2 çipini alyp biler, 16 Ultra üçin bolsa Xring O2 bilen Snapdragon 8 Elite 2 arasynda saýlaw mümkinçiligi bar.

ORIENT

Foto: Xiaomi