Pakistanyň Yslamabat şäherindäki Türkmenistanyñ ilçihanasynda Beýik Britaniýanyň Ýokary komissary bilen duşuşyk
20.01.2025 | 16:08 |
2025-nji ýylyň 15-nji ýanwarynda Beýik Britaniýanyň we Demirgazyk Irlandiýanyň Pakistandaky Ýokary komissary hanym Jeýn Marriot Türkmenistanyň Yslamabatdaky ilçihanasyna baryp gördi. Bu barada Türkmenistanyň Pakistandaky ilçihanasynyň web sahypasynda habar berilýär.
Duşuşygyň dowamynda taraplar sebitdäki ýagdaýyň ösüşini ara alyp maslahatlaşdylar, Owganystandaky ýagdaýy durnuklaşdyrmak we parahatçylygy pugtalandyrmak boýunça umumy gyzyklanmalaryny beýan etdiler.
Türkmenistanyň ilçisi A. Möwlamow Bitarap Türkmenistanyň syýasaty, onuň sebitde we sebitden daşarda ykdysady ösüşi höweslendirmäge, parahatçylygy we howpsuzlygy berkitmäge gönükdirilendigini gürrüň berdi. Şeýle hem, ol Owganystan bilen baglanyşykly infrastruktura we energetika taslamalarynyň durmuşa geçirilmegi, owgan halkyna ynsanperwer kömeginiň berilmegi babatyndaky hökümetiň tagallalaryny nygtady.
Beýik Britaniýanyň ilçisi J. Marriot Türkmenistanyň hoşniýetli goňşuçylyk we özara bähbitli hyzmatdaşlyk ýörelgelerine esaslanýan daşary syýasatyny ýokary bahalandyryp çykyş etdi.
ORIENT
Foto: pakistan.tmembassy.gov.tm
Şeýle hem okaň:
21.01.2025
|13:30
20.01.2025
|22:35
20.01.2025
|10:15
20.01.2025
|09:51
