Şanhaýda 1920–1930-njy ýyllarda gurlan “Huaýanli” taryhy binagärlik toplumynyñ ýerini üýtgetmek boýunça özboluşly taslamasy üstünlikli tamamlandy. Agramy takmynan 7500 tonna bolan we umumy meýdany 4030 inedördül metrden gowrak üç binalaryñ ýerasty toplumynyň gurluşygy üçin wagtlaýyn ýeri üýtgedildi. Bu barada Hytaýyň “Ženmin Žibao” neşiri habar berdi.

Bu täsin taslama Şanhaý üçin XIX asyryň ikinji ýarymyndan bäri mahsus bolan şikumen stilindäki binalaryň ýerini ùýtgetmek boýunça Hytaýyñ taryhynda iň uly taslamasy boldy. Şikumen jaýlary agaç karkasly we kerpiç diwarly iki ýa-da üç gatly binalardyr. Şäher häkimiýeti ýerasty toplumy gurmak üçin meýdany wagtlaýyn boşatmak, soňra bolsa ýaşaýyş mähellesini öňki ýerine gaýtaryp getirmek kararyna geldi.

Bu çylşyrymly wezipäni ýerine ýetirmek üçin hünärmenler 432 roboty peýdalandy. Jaý toplumy bu göterijili enjamlaryň üstüne ýerleşdirilip, binalar günde takmynan 10 metr tizlikde desgalary geçirdiler. Ýerini üýtgetmek boýunça işler 2025-nji ýylyň 19-njy maýynda başlap, 7-nji iýunynda binalaryň öz ýerine gaýtarylmagy bilen doly tamamlandy. Hünärmenler robotlaryň ýagdaýyny we bütin işi hakyky wagt tertibinde yzygiderli gözegçilikde sakladylar, gurluşlaryň deformasiýasynyñ öňüni almak üçin ýüküň deň derejede paýlanyşyny üpjün etdiler.

Taryhy mähelläniñ aşagynda umumy meýdany 53 000 inedördül metr bolan köpugurly ýerasty toplumy dörediler. Ol ýerde ýokary derejeli myhmanhanalar, sungat merkezi, konsert meýdançasy we metro ugurlarynyñ arasynda täze geçiriş merkezi ýerleşer diýlip garaşylýar.

ORIENT