Las-Wegasda ýylyñ iri tehnologiki sergisi açylar

06.01.2025 | 15:45 |

2025-nji ýylyñ 7-10-njy ýanwary aralygynda Las-Wegasda CES-2025 (Consumer Electronics Show) dünýäniñ iri alyjylar elektronika sergisi geçiriler.

Alyjylar tehnologiýasy birleşigi (CTA) tarapyndan guralýan bu sergi 4300-den gowrak eksponentleri özünde jemläp, dünýäniñ dürli künjeginden 160 müñden gowrak myhmanlary ýygnajakdygyna garaşylýar.

CES-2025 emeli añ we maşyn sowatlylygy, doldurylan we wirtual hakykaty (AR we VR), daşalýan enjamlar, sanly saglygy goraýyş we kiber howpsuzlyk, akylly öýler we IoT (Zatlaryñ interneti), awtonom ulag serişdeler ýaly ulgamlarda iñ täze tehnologiýalar we innowasiýalar bilen tanyşdyrmak üçin meýdança öwrüler.

Şu ýyl NVIDIA we Intel ýaly öñdebaryjy kompaniýalary tarapyndan soñky işläp taýýarlamalaryñ, şol sanda täze wideo kartalaryñ we prosesorlaryñ görkeziljekdigine garaşylýar. Şeýle-de sergi 300-den gowrak bölümçeleýin maslahatlaşmalary öz içine alyp, olarda bilermenler möhüm ugurlary we tehnologiýalaryñ geljegi barada maslahatlaşarlar.

Adaty boýunça CES täze hyzmatdaşlyklary ýola goýmak we pikir alyşmak üçin meýdança hökmünde hyzmat edýär. Bu hem tehnologiýalaryñ ösdürilmegine we ýaşaýşyñ hiliniñ gowulandyrylmagyna ýardam berýär. Sergä gatnaşmaklyk kompaniýalara öz gazananlaryny görkezmek hem-de mümkin bolan müşderiler we hyzmatdaşlar bilen gatnaşyklary ýola goýmak üçin mümkinçilik berer.

Sergi 1967-nji ýylda täze tehnologiýalara bagyşlanan serginiñ geçirilmeginiñ zerurlygy netijesinde esaslandyryldy. Ilkinji çäre Nýu-Ýorkda geçirilip, 200-e golaý eksponentleri we 17 500 myhmanlary ýygnady. 1978-nji ýylda sergi Las-Wegasa göçürilip, her ýyl şol ýerde geçirilýär.

ORIENT news