Biz ýakynlaşmagy ugur edinýäris

LG Display günorta koreý kompaniýasy dünýäde ilkinji hakykatdan hem uzaldylýan displeýiň görnüşini hödürlediler. Ol şekiliň hiline zyýan ýetirmezden 50 % çenli giňelip bilýär. Bu bolsa senagatda iň ýokary görkezijidir.

Tanyşdyrylyş dabarasy uzaldylýan displeýleri öndürmek taslamasynyň durmuşa geçirilmegine gatnaşýan senagat wekilleri, alymlar we barlagçylar bilen duşuşygyň dowamynda geçirildi.

Täze görnüş 18 duýme çenli giňeldip bolýan 12 duýmlik ekran bilen enjamlaşdyrylan. Şol bir wagtyň özünde, bir duýme 100 piksellik ýokary giňeldilme we RGB doly reňk mümkinçiligi saklanyp galýar.

Kompaniýa tarapyndan 2022-nji ýylda hödürlenilen birinji görnüş bilen deňeşdirilende, täze paneliň iň ýokary uzaldylma görkezijisi iki esse artdyryldy – 20 %-den 50 %-e çenli.

Munuň üçin topar adaty ýagdaýda kontakt linzada ulanylýan ýörite kremniý substrat materialyny ulandy.

Şeýle-de täze panel berkligi bilen tapawutlanýar. Ol 10 müň gezek köpsanly uzaldylmalara çydamlydyr. Mundan başga-da, displeýde bary-ýogy 40 mikrometr ölçegdäki micro-LED ýagtylyk çeşmesi ulanylýar. Bu bolsa iň ýokary gyzgynlyk ýa-da daşky urgy ýaly agyr şertlerde hem şekil hiliniň durnuklylygyny üpjün edýär.

Özboluşly uzaldymasyndan başga-da bu inçe we ýeňil displeýler egin-eşik ýa-da deri ýaly egri üstlere ýelmeşip bilýäler.

ORIENT news

Foto: ixbt.com