Türkmen işewürleri Hindistanda geçiriljek halkara senetçilik sergisine çagyrylýar

23.09.2024 | 12:21 |

Hindistan Respublikasynyň Türkmenistandaky ilçihanasy türkmen telekeçilerini “IHGF Deli Fair” atly 58-nji halkara senetçilik ýarmarkasyna gatnaşmaga çagyrýar. Ol 2024-nji ýylyň 16-20-nji oktýabry aralygynda Deliniň etegindäki Uly Noýde şäherindäki “India Expo Centre & Mart” sergi merkezinde geçiriler.

Hindistanda senetçilik eksportyny ösdürmek Geňeşi tarapyndan gurnalan “IHGF Delhi Fair” ýarmarkasy bir meýdançada 14 sany tematiki bölümleri hödürläp, senetçilik we dizaýn dünýäsinde möhüm bir waka boljakdygyny wada berýär. Senetçilik sungatynyň häzirki zaman gazananlaryny görkezýär bölümler 2 müň dürli önümleri we 300-den gowrak dizaýn işleri öz içine alýar.

Bu Türkmenistandan gatnaşyjylar üçin işewür gatnaşyklary ýola goýmaga, tejribe alyşmak we senetçilik we dizaýn pudagyndaky soňky üstünlikler bilen tanyşmak üçin ajaýyp mümkinçilikdir.

Gyzyklanýan taraplar çäräniň resmi web sahypasynda www.ihgfdelhifair.in/register hasaba alynmaly.

Hindistanyň Türkmenistandaky ilçihanasynyň telefon belgileri: (+993 12) 45-61-52, 45-61-53

ORIENT news