Biz ýakynlaşmagy ugur edinýäris

Amerikanyň Birleşen Ştatlarynyň Las-Wegas şäherinde geçiriljek "Consumer Electronics Show" atly dünýäniň iň iri hojalyk elektronika harytlary we maglumat tehnologiýalary sergisiniň öňüsyrasynda "Samsung Electronics" kompaniýasy dünýäde heniz deňi-taýy bolmadyk ekranyny tanyşdyrdy. "MicroLED" diýlip atlandyrylýan bu ekranyň aňyrsyndaky zatlar edil dury aýnadaky ýaly görünýär.

Aňyrsy görünýän ýagtylandyryş diodlaryndan ybarat bu ekranyň heniz tehniki aýratynlyklary aýan edilmeýär. Önümi öndürijiniň bellemegine görä, täze ekran tehnlogiýalar arkaly tomaşa etmek ugrunda täze öwrülişigi açmak bilen, dünýäniň ähli künjeginden sarp edijileriň ünsüni özüne çeker.

Bu edil hem-ä gyzykly filmi görkezýän, şol bir wagtda bolsa, aňyrsyndaky janly durmuşy synlamaga mümkinçilik berýän telewizor ekrany ýalydyr.

Mikroskopik derejedäki kiçi ýagtylandyryş diodlary arkaly ekran fiziki päsgelçiliksiz ähli görnüşleri aýdyň görkezip bilýär. Bu sanly mazmunyň hakyky durmuş bilen utgaşýan özboluşly aýnasydyr.

Kompaniýa şeýle hem "8K" durulygynda görkezýän dünýädäki ilkinji proýektoryny hem tanyşdyrar.

ORIENT news

Foto: overclockers.ru