Biz ýakynlaşmagy ugur edinýäris

USAID-iň Merkezi Aziýa Söwda Maksatnamasynyň ORIENT habarlar agentligi bilen bilelikdäki «Eksport ekoulgamy ösdürmek başlangyjy» atly rubrikasynyň işiniň çäginde «Burkut» konditer fabriginde saparda bolduk. Biziň bu gezekki söhbetdeşimiz konditer önümleri kärhanasynyň direktory Hudaýberdiýew Azatgeldi Dörtgulyýewiç özüniň eksport tejribesini biz bilen paýlaşdy.

«Burkut» konditer önümleri kärhanasy - ýaş kärhana bolup, ol 2017 ýylda esaslandyryldy. Häzirki wagtda bu kärhanada, Ýewropanyň häzirki zaman enjamlarynda dürli görnüşli süýtli we miwe tagamly çeýnelýän, ýumşak we gaty karamelleri çörek-bulka we şokoladly nogul önümlerini öndürilýär. «Burkut» konditer kärhanasynyň önümleri «Fam», «Diba», «Alam», «Läle Fam», «Tuby», «Lu Lu», «Sim», «Hawar» we «Dürdäne» haryt nyşanlary bilen bellidir.

Çykarylýan önümleriň ýokary hili Ýewropa we rus öndürijilerden alynýan ekologiýa taýdan arassa, tebigy çig mallaryň hasaby bilen üpjün edilýär. Esasan hem kärhana gelýän çig malyň hiline we howpsuzlygyna üns berilýär, her önümçilik tapgyrda düýpli barlaghana gözegçiliginden geçirilýär, şol sanda genetiki taýdan üýtgedilen düzüm bölekleriň ýoklugyna barlaglar geçirilýär.

Konditer önümleri kärhanasy 2018-nji ýylyň maýynda SGS kompaniýasy tarapyndan sertifikatlandyryş auditinden geçirildi we netijede hil we iýmit howpsuzlyk menejment ulgamlarynyň ISO 9001 we ISO 22000 halkara standartlarynyň talaplaryna laýyklygy şahadatnamalary berildi.

Söhbetdeşligiň dowamynda konditer önümleri kärhanasynyň direktory öňde goýlan maksatlary barada gürrüň berdi. Geljekde konditer önümleriniň görnüşlerini giňeltmegi göz öňünde tutulýar, şol sanda dürli görnüşli desertli pastalaryň, wafli we köke önümleriň önümçiligi. Hudaýberdiýew Azatgeldi bilen geçirilen söhbetdeşliginiň doly wideosyny aşakdaky düwmä basyp görüp bilersiňiz.

«Burkut» konditer önümleri kärhanasy bilen habarlaşmak üçin:

Tel: +99312 59-46-36

Faks: +99312 59-46-38

E-mail: info@burkut.biz; ipburkut@yandex.com;

Web-sahypasy: www.burkut.biz

Salgysy: Türkmenistan, Ahal welaýaty Ak bugdaý etraby Änew şäheri, Telekeçiler köçesi, 6-njy ýeri

Bu neşir USAID-iň Merkezi Aziýa Söwda Maksatnamasy ORIENT habarlar portaly bilen bilelikde «Eksport ekoulgamy ösdürmek başlangyjy» atly rubrikasynyň çäginde taýýarlandy.

Foto: Orient.tm