Biz ýakynlaşmagy ugur edinýäris

USAID-yň Merkezi Aziýadaky Söwda Maksatnamasy pomidor we gawun ösdürip ýetişdirmek we / ýa-da eksport etmek bilen meşgullanýan Türkmenistanyň öňdebaryjy hususy kompaniýalaryny täze bazarlar we şol bazarlarda önümlere bolan talaplary barada habarlylygy ýokarlandyrmak üçin halkara konferensiýa gatnaşmaga çagyrýar.

Bu çäre 2023-nji ýylyň 15-nji noýabrynda “Ýyldyz” myhmanhanasynda sagat 14: 00-18: 00 aralygynda bolup , gibrid görnüşde geçirilip, halkara maslahatçylar internet arkaly, telekeçiler bolsa konferensiýa otagyndan gatnaşarlar.

Türkmenistanda ýetişdirilen ter miweler we gök önümler üçin täze üç sany eksport ugruny kesgitlemek üçin halkara seljeriş kompaniýasy tarapyndan geçirilen global marketing gözleginiň netijeleri barada giň maglumatlar berler.

Şeýle-de ter pomidorlar we gawunlar babatyndaky tehniki we täjirçilik ülňülerine düşünmegi gowulandyrmak maksady bilen kesgitlenen eksport bazarlarynda bölekleýin satyjylary we azyk harytlary import edijileri internet arkaly üpjün edijilerine haýsy talaplary goýýandyklary barada aýdyp bererler. Mundan başga-da, hünärmenler gözlegiň netijesinde bu önümleri kesgitlenen ýurtlara eksport etmek üçin zerur bolan halkara ülňüleri barada maglumatlary bilen paýlaşarlar.

Üns beriň! 2023-nji ýylyň 05-nji noýabry, 18: 00-a çenli arzalary tabşyran ilkinji 40 kompaniýa çagyrylar. Çärä gatnaşmak üçin bu hasaba alyş resminamany doldurmalydyr.

Eger goşmaça soraglaryňyz bar bolsa, onda +99365 687965 telefon belgisi jaň edip ýa-da tca_exportsupport@dai.com e-mail arkaly habarlaşyp bilersiňiz.

Foto: USAID