iPhone 15-i rewolýusiýa üýtgeşmeleri bilen Apple tanyşdyrar

01.08.2023 | 16:20 |

Täze iPhone 15 smartfonlarda, täze programmirläp bolýan düwme, has uly ekran we kämilleşdirilen kamera we prosessor bolar diýip, Bloomberg habar berýär. IPhone 15-iň tanyşdyrylyş dabarasyna şu ýylyň sentýabr aýynda garaşylýar.

Habarlar agentliginiň maglumatyna görä, täze smartfonyň esasy wersiýasynda ilkinji gezek goşmaça Dynamic Island funksiýasy bilen öňdäki kamera üçin kesik bolar. Pro we Pro Max wersiýalaryň ekranlary LIPO tehnologiýasy boýunça öndüriler. Bu bolsa ekranyň çarçuwasyny 0,7 millimetr kiçelder we ini 1,5 millimetr bolar.

Täzelenmeler dizaýna hem täsir eder: korpusyň çarçuwasy titan ergininden, yzky paneli bolsa dury däl aýnadan ýasalar. Şeýlelik bilen, Bloomberg-iň pikiriçe, täze modeliň içki gurluşynyň döwrebaplaşdyrylmagy, zerur bolan ýagdaýynda abatlamagy ýeňilleşdirer.

Şeýle hem, iPhone 15-iň USB-C porty bolar diýlip garaşylýar. Bu bolsa Apple- iň taryhynda ilkinji gezek bolar. Täze port, tanyş Lightning ornuny tutar we sim arkaly maglumat geçiriş tizligini ýokarlandyrar.

Kameralarda hem möhüm täzelenmelere garaşylýar: esasanam, täze obýektiwler we giňeldilen optiki ýakynlaşdyrma diapazony barada gürrüň edilýär. Şeýle hem, Apple täze iPhone-da programmirläp boljak Action düwmesini ýerleşdirer we bu geçirijini sessiz tertibe geçirer.

ORIENT news