Biziň yhlasymyz – adamlary ýakynlaşdyrmak
Habarlar
Makalalar
Media
Anons
Tehnologiýalar
Biz barada
Habarlaşmak üçin
||
2026-njy ýylyň 17–21-nji ýanwary aralygynda Italiýanyň Rimini şäherinde süýjülik we desert önümçiligine bagyşlanan halkara derejeli sergileriň biri bolan SIGEP – The Dolce World Expo geçiriler.
Bu sergi her ýyl konditerçilik, çörekçilik we kofe önümçiligi ulgamlarynyň öňdebaryjy öndürijilerini, paýlaýjylaryny we hünärmenlerini bir ýere jemleýär. Gatnaşyjylar häzirki zaman tehnologiýalary, innowasion enjamlar we täze tagam tendensiýalary bilen tanyşyp bilerler, şeýle hem işewür gatnaşyklary ýola goýmak hem-de dünýä bazarlarynda mümkinçilikleri öwrenmek üçin şert dörediler.
Goşmaça maglumat almak üçin guramaçylar serginiň resmi web sahypasyna geçmegi teklip edýärler: www.sigep.it.
SIGEP sergisi 1980-nji ýyllardan bäri geçirilýär we şol döwürden bäri konditerçilik, çörekçilik hem-de kofe önümçiligi pudaklary boýunça hünärmenler üçin iň iri we abraýly halkara meýdançalaryň biri boldy. Sergi onlarça ýurtdan müňlerçe gatnaşyjyny özüne çekip, önümleri görkezmek, tejribe alyşmak we halkara şertnamalary baglaşmak üçin giň mümkinçilikleri döredýär.
