Biz ýakynlaşmagy ugur edinýäris

Goşundyny ulanmak bilen iýmiti we harytlary öýe getirtmek, taksi çagyrmak – bularyň hemmesi adaty durmuşymyza girdi we ýaşaýşymyz has aňsatlaşdyrdy. Hususy kärhanalar ýaly, döwlet edaralary hem raýatlara ykjam goşundylaryň we web saýtlaryň üsti bilen onlaýn hyzmatlary hödürleýärler.

Ulag biletleri

Ulag biletlerini daşary çykmazdan satyn almagyň birnäçe usuly bar. Uçar biletini resmi web saýtynda «Türkmenhowaýollary» ýa-da Türkmenistanyň howa ýollarynyň ykjam goşundysyna girip, satyn alyp bilersiňiz. Otly we awtobus biletlerini – AGPJ «Demir ýollary» we AGPJ «Awtoulag hyzmatlary», şeýle hem bu kompaniýalaryň goşundylarynyň üsti bilen satyn alyp bilersiňiz.

Edil şonuň ýaly e.gov.tm saýtda hem edilip bilner – bu raýatlara onlaýn hyzmatlaryny hödürleýän iň uly hyzmat ediş agentligidir. Aragatnaşyk, bilim, kagyz resminamalary, logistika, jemagat hyzmatlary, maliýe ulgamy, hukuk kömegi we ş.m. hyzmatlaryny hödürleýär.

Jemagat hyzmatlary we telekommunikasiýa

Ähli peýdaly tölegler (suwdan we elektrik energiýasyndan başlap zibil ýygnamaklyga çenli) e.gov.tm saýtynyň üsti bilen onlaýn görnüşinde tölenip bilner. Ikinji görnüşine (ýa-da eger bank kartyny ulanyp bilmeýän bolsaňyz) öz-özüňe hyzmat ediş terminaly bar. Her niçigem bolsa, munuň üçin daşary çykmaly bolsaňyz, iň ýakyn terminaly tapmak tölemek üçin şol edara barmakdan has aňsat we çalt bolar.

Ýeri gelende aýtsak, terminallaryň köpüsinde aragatnaşyk hyzmatlary (telewideniýe, internet) ýa-da ýol polisiýasynyň jerimelerini hem töläp bilersiňiz.

Aragatnaşyk barada aýdylanda, e.gov.tm hyzmaty Türkmenistanda işleýän ähli operatorlaryň telefon, telewideniýe we internet ulgamlarynyň töleglerini tölemäge mümkinçilik berýär. «Aragatnaşyk hyzmatlary» bölüminde hatda «Türkmenpoçta» hyzmatynyň çaparyna jaň edip bilersiňiz.

Bilim

Jemgyýetçilik hyzmatlary portaly talyp tölegini, ýagny bank karty arkaly onlaýn görnüşinde okuw tölegleriňizi tölemäge mümkinçilik berýär. Şeýle hem onda dalaşgärler üçin (zerur resminamalaryň sanawy bolan ýurduň bilim edaralary), mekdep okuwçylary we çagalary birinji synpa barýan ene-atalar üçin peýdaly maglumatlar ýerleşdirilendir.

Resminamalar we hukuk kömegi

Esasy hyzmatlardan biri bolsa pasport üçin resminamalary tabşyrmak üçin Türkmenistanyň migrasiýa gullugynda onlaýn hasaba alynmakdyr. Mundan başga-da, «Ulag, logistika we gümrük» bölüminden Türkmenbaşy şäherindäki halkara deňiz portuna gämileriň porta girmegi, deňiz syýahatçylygy, şertnama baglaşmak we gümrük işleri boýunça ýüz tutup bilersiňiz. Şeýle hem Ykdysady dolandyryş müdirliginde gümrük amallaryny onlaýn görnüşinde hasaba almak mümkinçiligi hem bar.

Elektron ulgamyna birikdirilen edaralaryň arasynda – Türkmenistanyň Maliýe we ykdysadyýet ministrligi bar. Indi döwlet emläklerini söwdalaşyklaryna onlaýn görnüşinde gatnaşyp hem bilersiňiz. Şeýle hem Adalat ministrligine arza ibermek ýa-da Türkmenistanyň Ministrler Kabinetiniň ýanyndaky Ulag we aragatnaşyk agentliginden ygtyýarnama almak arkaly hukuk kömeginden peýdalanyp bilersiňiz.

Türkmenistanda sanly hyzmatlaryň ösmegi bilen bu sanaw has-da giňeldiler. Saýtda eýýäm dogluş hakynda şahadatnamasyny almak we nikalaşmak ýaly meseleler onlaýn görnüşinde amala aşyrylýar, bu bolsa saýtyň «Maşgala we çagalar» bölüminde hyzmatlaryň ösdürilýändigini görkezýär.

ORIENT
Surat: unsplash.com