17-18-nji iýulda Türkmenistanyň harby we hukuk goraýjy edaralarynyň wekilleri adam hukuklary we gender deňligi boýunça okuw seminaryna gatnaşdylar. Ol Ýewropa Bileleşiginiň maliýeleşdirmeginde Merkezi Aziýada serhetleri dolandyrmak maksatnamasynyň (BOMCA 10) çäklerinde guraldy.
Birleşen Milletler Guramasynyň Ilat gaznasynyň Türkmenistandaky wekilhanasy nikadan geçýän ýaş çatynjalar üçin “Maşgala gymmatlyklary” ady bilen treningleri geçirýär. Bu barada wekilhana özüniň “Instagram” sahypasynda mälim edýär.
“Meta” we “Microsoft” kompaniýalary “Llama 2” diýlip atlandyrylýan intellektual dil modelini döretdiler. Ol söwda we ylmy-barlag işlerinde ulanylyp bilner. “Llama 2” intellektual dili kompaniýalara çat-botlary we surat generatorlaryny döretmäge ýardam berýär.
Pakistan, Özbegistan we Owganystan Transowgan demir ýol geçelgesini gurmagy maksat edinýärler. Degişli resminama 3 ýurduň iş toparlarynyň geçiren duşuşygynda gol çekildi.
Türkmenistanyň Halk Maslahatynyň mejlisine taýýarlyk görmek bilen bagly işleriň çäginde milli ykdysadyýetiň pudaklarynyň ykdysady we maliýe görkezijileriniň içgin seljerilmelidigini belläp, Milli Liderimiz Gurbanguly Berdimuhamedow bu babatda aýratyn möhüm hasaplanýan alty ugur barada aýtdy.
Türkmenistanyň Prezidenti Serdar Berdimuhamedow Aýlagdaky arap döwletleriniň hyzmatdaşlyk geňeşine agza ýurtlaryň hem-de Merkezi Aziýa döwletleriniň Baştutanlarynyň sammitine gatnaşmak üçin Saud Arabystanyň Jidda şäherine geldi.
Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Halk Maslahatynyň Ýaşulular geňeşini döretmek hakynda Halk Maslahatynyň Prezidiumynyň kararyna gol çekdi.
Russiýa Banky, «Kino» toparynyň lideri Wiktor Soýyň portreti bilen üç rubl kümüş teňňäni çykardy. Aýdymçy «öz döwrüniň kumiri» diýlip atlandyrylyp, onuň aýdymlary «üýtgedip gurmak döwrüniň nyşanyna öwrüldi» diýip, Russiýa Federasiýasynyň Merkezi Bankynyň habaryna salgylanyp RBC ýazýar.
Türkmenistanyň Halk Maslahatynyň nobatdaky mejlisi 24-nji sentýabrda Aşgabatdaky Maslahat köşgünde geçiriler.
Türkmenistanyň çagalar dynç alyş-sagaldyş merkezlerinde ýaş nesliň wekilleriniň adam hukuklary, çaganyň hukuklary we mümkinçilikleri çäkli adamlaryň hukuklary baradaky düşünjesini ýokarlandyrmaga gönükdirilen interaktiw çäreler tapgyry geçirildi. Olara Gökderedäki çagalar dynç alyş-sagaldyş merkezleriniň bäşisinde dynç alýan çagalaryň 250-den gowragy gatnaşdy.
Türkmenistanyň Daşary işler ministrliginiň Halkara gatnaşyklar instituty dört ugur boýunça: syýasy ylymlar we sebitleýin gözlegler, hukuk, ykdysadyýet we dolandyryş, köpçülikleýin habar beriş serişdeleri we maglumat we kitaphana işi boýunça magistr derejesini almak üçin kabul ediljekdigini habar berýär.
BMG-nyň Nýu-Ýorkdaky ştab-kwartirasynda geçýän durnukly ösüş boýunça ýokary derejedäki Forumyň çäklerinde Türkmenistanyň BMG-nyň ýanyndaky hemişelik wekilhanasy «Durnukly şäher ulagy: BMG-nyň Baş assambleýasynyň durnukly ulag boýunça ýokary derejeli Mejlisine taýýarlyk we DÖM-nyň 11-njisini ýerine ýetirmek üçin Arkadag şäheriniň modeli» temasyndan çäräni gurnady. Bu barada Türkmenistanyň daşary syýasat edarasynyň saýtynda habar berilýär.
2024-nji ýylda Parižde boljak Tomusky Olimpiýa oýunlaryna taýýarlygyň doly dowam edişi ýaly, gurnaýjylar ýaryşlaryň ykdysady ösüşe, deňsizligiň azaldylmagyna we iş üpjünçiligine ýardam etmek mümkinçiligini peýdalanmak üçin ähli tagallalary edýärler.
17-nji iýulda Türkmenistanyň maliýe we ykdysadyýet ministri S.Joraýewiň ýolbaşçylygyndaky wekiliýet Nýu-Ýorkda “COVID-19-dan soň dikeldiş işini çaltlaşdyrmak we ähli derejelerde 2030-njy ýyla çenli döwür üçin durnukly ösüş ugurlarynda Gün tertibiniň doly durmuşa geçirilmegi” atly mowzuk bilen geçirilýän Durnukly ösüş boýunça ýokary derejeli foruma gatnaşdy. Bu barada Türkmenistanyň Daşary işler ministrligi habar berýär.
Azerbaýjan Respublikasynda saparda bolýan Türkmenistanyň wekiliýeti Alýat erkin ykdysady zolagyna baryp, bu ýeriň dolandyryş müdirliginiň başlygy Waleh Aleskerow bilen duşuşyk geçirdi.
