Aşgabatda Türkmenistanda we MA-da ÝB-niň ikitaraplaýyn we sebitleýin taslamalarynyň durmuşa geçirilişi ara alnyp maslahatlaşyldy
Merkezi Aziýada Ýewropa Bileleşiginiň bilelikdäki ikitaraplaýyn we sebitleýin taslamalarynyň häzirki ýagdaýy we geljegi çarşenbe güni Aşgabatda Türkmenistanyň daşary işler ministriniň orunbasary Mähri Bäşimowa we ÝB-niň Türkmenistandaky Ilçisi Beata Peksa tarapyndan ara alnyp maslahatlaşyldy. Duşuşyga ÝB-niň Gazagystandaky wekilhanasynyň hyzmatdaşlyk bölüminiň ýolbaşçysy Ýohannes Baur şeýle-de Halkara Ssöwda merkeziniň we Halkara hyzmatdaşlyk boýunça German agentliginiň wekilleri hem gatnaşdy.
Bu ýere ýygnananlar bu taslamalaryň üstünlikli durmuşa geçirilişini bellediler we howanyň üýtgemegi we ulag pudagyndaky hyzmatdaşlygyň meselelerini ara alyp maslahatlaşdylar. Hususan-da, taraplar Türkmenistanyň we ÝB-iň energiýa sarp edilişini azaltmak, gaýtadan dikeldilýän energiýa çeşmeleriniň önümçiligini ýokarlandyrmak we metanyň zyňyndylaryny azaltmak boýunça edýän tagallalaryny ara alyp maslahatlaşdylar.
Şeýle hem, Ýewropa Bileleşigi bilen Merkezi Aziýanyň arasynda ulag aragatnaşygyny ösdürmek we bu ugurlardaky hyzmatdaşlygy güýçlendirmek we giňeltmek mümkinçilikleri ara alnyp maslahatlaşyldy diýip, Türkmenistanyň Daşary işler ministrliginiň metbugat gullugy habar berýär.
ORIENT news
