Döwlet eýeçiligindäki 48 desga satuwa çykarylýar
Türkmenistanyň Maliýe we ykdysadyýet ministrligi pudaklaýyn dolandyryş edaralaryna degişli dürli maksatly desgalaryň 48-sini hususylaşdyrmak üçin bäsleşikli söwdalary yglan etdi. Bu baradaky bildiriş Türkmenistanyň resmi metbugatynda çap edildi.
Hususy taraplara satylýan desgalar Söwda we daşary ykdysady aragatnaşyk ministrligine, Oba hojalyk ministrligine, Suw hojalygy baradaky döwlet komitetine, “Türkmenawtoulaglary” agentligine, “Türkmenbaşy” bankyna, Awtomobil ýollaryny dolandyrmak baradaky döwlet agentligine, “Türkmenhaly” döwlet birleşigine, “Türkmenhimiýa” döwlet konsernine, Aşgabat şäheriniň, Balkan, Daşoguz we Mary welaýatlarynyň häkimliklerine degişlidir.
Bäsleşikli söwda Türkmenistanyň Maliýe we ykdysadyýet ministrliginiň resmi web-saýty we ykjam goşundysy arkaly sanly ulgam arkaly hem gatnaşyp bolýar. Bäsleşikli söwda 18-nji oktýabrda sagat 10:00-da geçirilýär.
Habarlaşmak üçin telefon belgileri:
Аşgabat: (+993 12) 92-12-97/92-11-34, 39-46-09/63/69
Änew: (+993 137) 3-30-21/3-31-80
Balkanabat: (+993 222) 7-89-34/7-89-17/7-89-53
Daşoguz: (+993 322) 9-10-19/9-15-10
Türkmenabat: (+993 422) 6-11-52/6-11-59
Mary: (+993 522) 6-06-87/6-05-41
ORIENT news
